“ ທລຍ ມີພາລະບົດບາດ ເຮັດໃຫ້ຊຸມຊົນມີຄວາມເຂັ້ມແຂງ ໂດຍສະເພາະ ແມ່ຍິງສາມາດກ້າ
ສະແດງອອກ ໃນເວທີຕ່າງໆ”
ໂດຍ: ສິນນະຄອນ ອິນທິລາດ
ຂ້າງເທີງນີ້ຄືຄໍາເວົ້າຂອງ ທ່ານ ນາງ ພິມພອນ ຈັນທະວົງ ຮອງເລຂາພັກເມືອງ ຮອງເຈົ້າເມືອງໆເຊໂປນ ເຊິ່ງທ່ານໄດ້ມີຄໍາເຫັນໃນພິທີປິດກອງປະຊຸມປະ ສານງານການວາງແຜນຂັ້ນເມືອງ ຮອບວຽນ ທີ່ 12 ທີ່ໄດ້ຈັດຂື້ນໂດຍການເປັນປະ ທານຂອງທ່ານ ໃນທ້າຍເດືອນກັນຍາ 2014 ຜ່ານມາແລ້ວນີ້. ກ່ອນຄໍາເວົ້າ ດັ່ງກ່າວນີ້ຈະຖືກເວົ້າອອກມາ ຜ່ານການຈັດກອງປະຊຸມຕະຫຼອດ 1 ວັນ ຂ້າພະເຈົ້າສັງເກດເຫັນ ທ່ານປະທານກອງປະຊຸມ ໄດ້ມີ ຮອຍຍີ້ມ ແລະ ສີໜ້າເບີກ ບານ ເຊິ່ງມັນສະແດງເຖິງ ບໍ່ແມ່ນແຕ່ວ່າຄວາມດີໃຈ ມັນແມ່ນຄວາມພາກພູມໃຈຫຼາຍ ໃນທຸກໆຄັ້ງທີ່ທ່ານໄດ້ເຫັນ ຕົວແທນຂອງແຕ່ລະກຸ່ມບ້ານ ທີ່ເປັນຊຸມ ຊົນໃນເຂດປົກຄອງຂອງທ່ານ ໂດຍສະເພາະແມ່ຍິງ ມີຄວາມເຂັ້ມແຂງ, ມີຄວາມສາມາດໃນການມານໍາສະເໜີ ເຊິ່ງມີຫຼາຍເທື່ອທ່ານຈົນ ເວົ້າອອກມາ ແລະ ຂໍ ສຽງຕົບມືຈາກ ຜູ້ແທນທີ່ເຂົ້າຮ່ວມກອງປະຊຸມ ຂໍຊົມເຊີຍ ສະເໜີໄດ້ດີຫຼາຍ ແລະ ສຸດທ້າຍເມື່ອທ່ານໄດ້ກ່າວຄຳເຫັນໃນພີທີປີດທ່ານກໍຍັງອົດຈະຍ້ອງຍໍຊົມ ເຊີຍອີກບໍ່ໄດ້. ຍ້ອນວ່າເມືອງເຊໂປນກໍຄືເມືອງຕ່າງໆ ທີ່ເປັນເປັນເມືອງເປົ້າໝາຍຂອງ ທລຍ ລ້ວນແລ້ວແຕ່ເປັນຊົນເຜົ່າ ໃນເມື່ອ ທລຍ ໄດ້ມາໃຫ້ການສະ ໜັບສະໜູນຊ່ວຍເຫຼືອໃນການກໍ່ສ້າງພື້ນຖານໂຄງລ່າງ ເພື່ອຊ່ວຍຫຼຸດຜ່ອນຄວາມທຸກຍາກ ແລະ ຍັງໄດ້ສ້າງຄາມເຂັ້ມແຂງ ມອບຂໍກຸນແຈ ທີ່ປຽບເໝືອນເປັນ ສັນຍາລັກຂອງໂອກາດ ເພື່ອໃຫ້ເຂົາເຈົ້າໄດ້ສະແດງ ຄວາມສາມາດຂອງເຂົາເຈົ້າ ແລະ ເຮັດໃຫ້ ຜູ້ທີ່ພົບເຫັນ ໂດຍສະເພາະ ຜູ້ປົກຄອງ ມີຄວາມພາກພູມໃຈ ອັນນີ້ມັນກໍໄດ້ສະແດງໃຫ້ເຫັນວ່າ ນະໂຍບາຍໃນການສ້າງຄວາມເຂັ້ມແຂງໃຫ້ແກ່ທິມງານ ໃຫ້ແກ່ຊຸມຊົນ ຂອງ ທລຍ ແມ່ນມີຄວາມສໍາຄັນຫຼາຍ. ໃນນັ້ນ ທ່ານກໍຍັງຮັບຮູ້ອີກວ່າ ການຄັດເລືອກໂຄງການ ການຕັດສິນໃຈ ຄັດເລືອກເອົາບຸລິມະສິດຄວາມຕ້ອງການທີ່ບັນຈຸຢູ່ໃນແຜນນັ້ນ ແມ່ນໄດ້ເປີດໂອກາດ ແລະໃຫ້ສິດແກ່ຜູ້ຍິງ ແລະ ທ່ານໄດ້ເຫັນວ່າ ເມື່ອນໍາໄປຈັດຕັ້ງປະຕິບັດແລ້ວ ຕ້ອງໄປແກ້ໄຂບັນຫາສ່ວນໃຫຍ່ ທີ່ແມ່ຍິງໄດ້ປະສົບມາ ສະນັ້ນ ຖ້າທຸກໆກິດຈະ ກໍາທີ່ມີຢູ່ໃນແຜນພັດທະນາກຸ່ມບ້ານ ໄດ້ຖືກນຳໄປຈັດຕັ້ງປະຕິຍັດ ແມ່ຍິງສ່ວນຫຼາຍກໍຈະຫຼຸດພົ້ນອອກຈາກຄວາມທຸກຍາກ. ທ່ານ ນາງ ພິມພອນ ຈັນທະວົງ ຮອງເລຂາພັກເມືອງ ຮອງເຈົ້າເມືອງໆເຊໂປນ ໃນຖານະ ເປັນການນຳ ໃນເມືອງ ທີ່ເປັນແມ່ຍິງ ທ່ານໄດ້ມີຄວາມພາກພູມໃຈ ທີ່ເຫັນແມ່ຍິງຢູ່ເມືອງດັ່ງກ່າວມີຄວາມເຂັ້ມແຂງ. ບໍ່ໝົດແຕ່ເທົ່ານັ້ນ ທ່ານຍັງໄດ້ຮັບຮູ້ວ່າ ທິມງານຕ່າງໆ ໃນຂັ້ນບ້ານ ຂັ້ນກຸ່ມບ້ານ ທີ່ຈະຈັດຕັ້ງປະຕິບັດກິດຈະກໍາຕ່າງໆ ພາຍໃຕ້ນະໂຍບາຍ ຂອງ ທລຍ ແມ່ນຕ້ອງມີແມ່ຍິງ ແມ່ຍິງໄດ້ມີສ່ວນຮ່ວມ ເປັນຜູ້ປະສານງານກຸ່ມບ້ານ ຕົວແທນກຸ່ມບ້ານ/ບ້ານ ໄດ້ປະກອບມີແມ່ຍິງເຄິ່ງໜຶ່ງຂື້ນໄປ ແລະ ທິມ ງານຕ່າງໆໄດ້ປະກອບມີແມ່ຍິງ ເພື່ອໃຫ້ໂອກາດແກ່ຜູ້ຍິງໄດ້ເຂົ້າມາມີສ່ວນຮ່ວມ ເຖິງວ່າເຂົ້າບໍ່ສາມາດອ່ານໜັງສືແຕ່ກໍໃຫ້ໂອກາດເຂົາເຈົ້າສະແດງຄວາມສາ ມາດໃນດ້ານອື່ນກ່ອນ ເພື່ອຮຽນຮູ້ ແລະ ຄວາມເຂັ້ມແຂງໃຫ້ແກ່ເຂົາເຈົ້າຢ່າງເປັນຮູບປະທໍາ.
