ຝຶກອົບຮົມການຄຸ້ມຄອງນໍາໃຊ້ ສະຖານທີລ້ຽງສັດ ບ້ານ ນໍ້າແພ

ຝຶກອົບຮົມການຄຸ້ມຄອງນໍາໃຊ້ ສະຖານທີລ້ຽງສັດ ບ້ານ ນໍ້າແພ

ໂດຍ: ແກ້ວສົມພອນ

            ກອງ​ທຶນ​ຫລຸດຜ່ອນ​ຄວາມທຸກ​ຍາກ (ທລຍ) ​ໄດ້​ຈັດກອງປະຊຸມຝຶກອົບຮົມການຄຸ້ມຄອງນໍາໃຊ້ ສະຖານທີລ້ຽງສັດ ບ້ານ ນໍ້າແພໃນວັນທີ 4 /7/2014 ທີ່ຫ້ອງການບ້ານ ນໍ້າແພ ​ເຊິ່ງມີຜູ້ເຂົ້າຮ່ວມຈາກ ຫ້ອງການ ກະສິກໍາ ແລະ ປ່າໄມ້, ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ, ທີມງານ ທລຍ ຂັ້ນເມືອງ ຕະຫຼອດຮອດ ຜູ້ປະສານງານ, ທີມງານຂັ້ນບ້ານ ແລະ ຊຸມຊົນພາຍໃນບ້ານ ກໍ່ພ້ອມພຽງຮຽງໜ້າກັນເຂົ້າຮ່ວມ.

ເນື້ອໃນ ແລະ ຫົວຂໍ້ທີ່ນໍາມາຝຶກອົບຮົມໃນຄັ້ງນີ້ມີຄື:

1.    ໂຄງຮ່າງການຈັດຕັ້ງຂອງກຸ່ມລ້ຽງສັດ

2.    ການປົກປັກຮັກສາສັດລ້ຽງພາຍໃນກຸ່ມ

3.    ການສ້ອມແປງຮົ້ວປະຈໍາລະດູການ

4.    ວີທີການວາງແຜນ ແລະ ຂຶ້ນແຜນໃຫ້ຈໍານວນຄອບຄົວທີ່ຍັງບໍ່ທັນມີສັດລ້ຽງ

5.    ລະບຽບການຄຸ້ມຄອງສະເພາະເນື້ອທີ່, ຮົ້ວ ແລະ ເຮືອນພັກເຊົາຂອງສັດ

ໃນການຝຶກອົບຮົມໃນຄັ້ງນີ້​ແມ່ນເພື່ອ ຊຸກຍູ້-ສົ່ງເສີມ, ພັດທະນາທ່າແຮງຂອງຊຸມ​ຊົນ​ຜູ້​ທຸກ​ຍາກ​ຫ່າງ​ໄກ​ສອກຫລີກ ແນ່ໃສ່ຮັບປະກັນ ໃນການສະໜອງສະບຽງອາຫານໃຫ້ພຽງພໍ ແລະ ແກ້ໄຂຊິວິດການເປັນຢູ່ຂອງປະຊາຊົນໃຫ້ດີຂຶ້ນ ໄປຄຽງຄູ່ກັບການປົກປັກຮັກສາສະພາບແວດລ້ອມ.