ກອງທຶນຫລຸດຜ່ອນຄວາມທຸກຍາກ (ທລຍ) ເປັນໂຄງການໜຶ່ງທີ່ສັງກັດລັດຖະບານກໍ່ຄືກະຊວງກະສິກຳ ແລະ ປ່າໄມ້ ໂດຍໄດ້ຮັບທຶນກູ້ຢືມຈາກທະນາຄານໂລກ, ອົງການຮ່ວມມືດ້ານການພັດທະນາປະເທດສະວິດເຊີແລນ ແລະທຶນສົມທົບຂອງລັດຖະບານເພື່ອສະໜອງພື້ນຖານໂຄງລ່າງຂະໜາດນ້ອຍ ແລະ ສ້າງຄວາມເຂັ້ມແຂງໃຫ້ປະຊາຊົນຢູ່ກຸ່ມບ້ານທີ່ທຸກຍາກ ລວມທັງກິດຈະກໍາປັບປຸງຊີວິດການເປັນຢູ່. ທລຍ ໄດ້ຮັບການສືບຕໍ່ໂຄງການໄລຍະທີສາມ (2017-2020) ແລະ ມີຄວາມຕ້ອງການພະນັກງານທີ່ມີຄວາມຮູ້ຄວາມສາມາດເໝາະສົມໃນ ຕຳແໜ່ງຫົວໜ້າໂຄງການ ທລຍ ຂັ້ນແຂວງ ປະຈຳ ຢູ່ຫ້ອງການ ທລຍ ແຂວງ ສາລະວັນ, ຊຶ່ງມີລາຍລະອຽດດັ່ງລຸ່ມນີ້:
v ຄຸນວຸດທິ ແລະ ປະສົບການທີ່ຕ້ອງການ:
· ຈົບປະລິນຍາໂທດ້ານການບໍລິຫານລັດ ຫລື ຄຸ້ມຄອງ-ບໍລິຫານທຸລະກິດ, ວິທະຍາສາດສັງຄົມ, ວິສະວະກຳ, ເສດຖະ ສາດ, ການສຶກສາດ້ານການພັດທະນາ ຫລື ຂະແໜງການອື່ນໆທີ່ກ່ຽວຂ້ອງ; ຊຶ່ງມີປະສົບການຢ່າງໜ້ອຍ 5 ປີ ກ່ຽວຂ້ອງດ້ານການຄຸ້ມຄອງບໍລິຫານຢູ່ໃນວຽກງານຊົນນະບົດ, ການວາງແຜນໂຄງການ, ງົບປະມານ, ການຈັດຕັ້ງປະຕິບັດ, ການລາຍງານ ແລະ ຕິດຕາມ-ປະເມີນຜົນ; ພ້ອມທັງ ມີປະສົບການ 5 ປີ ກ່ຽວກັບການຈັດຕັ້ງປະຕິບັດໂຄງການ ແລະ ເຮັດວຽກຢ່າງກວ້າງຂວາງກັບຊຸມຊົນ ຫລື ຈົບປະລິນຍາຕີຂະແໜງການກ່ຽວຂ້ອງ ເຊິ່ງມີປະສົບການຢ່າງໜ້ອຍ 7 ປີ ດ້ານການຄຸ້ມຄອງບໍລິຫານໃນວຽກງານຊົນນະບົດ ແລະ ມີປະສົບການ 5 ປີ ເຮັດວຽກຢ່າງກວ້າງຂວາງກັບຊຸມຊົນ;
· ມີປະສົບການກ່ຽວຂ້ອງດ້ານການພັດທະນາຊົນນະບົດ, ການວາງແຜນແຕ່ລຸ່ມຂື້ນເທິງ, ການພັດທະນາແບບມີສ່ວນຮ່ວມຂອງ ຊຸມຊົນ;
· ມີຄວາມສາມາດ ແລະ ປະສົບການ ໃນການນຳພາ ແລະ ບໍລິຫານພະນັກງານ ໃນລະດັບທີ່ແນ່ນອນ.
· ສາມາດນຳໃຊ້ພາສາອັງກິດ ແລະ ຄອມພິວເຕີໄດ້ຢ່າງຄ່ອງແຄ້ວ ຈະເປັນປະໂຫຍດຫລາຍ;
· ມີຄວາມຮູ້ກ່ຽວກັບນະໂຍບາຍ ແລະ ຄູ່ມືຈັດຕັ້ງປະຕິບັດວຽກຂອງທະນາຄານໂລກ ຫລື ອົງການຈັດຕັ້ງສາກົນ ອື່ນໆ-ປະສົບການຂອງໂຄງການທີ່ໄດ້ຮັບທຶນກູ້ຢືມຈາກທະນາຄານໂລກ ທີ່ມີກອບວຽກ ແລະ ວິທີການທີ່ຄ້າຍຄືກັນ;
· ມີປະສົບການໃນການຝຶກອົບຮົມ (ເປັນຄູຝຶກ) ຈະເປັນປະໂຫຍດຫລາຍ.
v ຄຸນລັກສະນະສະ ແລະ ຄວາມສາມາດສະເພາະ ທີ່ຕ້ອງການ:
● ມີເປົ້າໝາຍຕໍ່ຜົນຂອງວຽກ, ການສ້າງທີມງານ, ມີຄວາມເຂັ້ມແຂງ, ມີຄວາມເປັນຜູ້ນຳ, ມີຄວາມຮັບຜິດຊອບສູງ, ກ້າຕັດສິນໃຈ, ມີຄວາມຍືດຍຸ່ນ ແລະ ບໍ່ຕ້ອງການການຊີ້ນຳຈາກຂັ້ນເທິງຫລາຍ;
● ສາມາດຄຸ້ມຄອງ-ບໍລິຫານຫ້ອງການ, ຊຶ່ງລວມມີການຄຸ້ມຄອງບໍລິຫານການເງິນ, ວຽກບໍລິຫານ, ການຈັດຕັ້ງ ແລະ ການນຳໃຊ້ຊັບສົມບັດຂອງຫ້ອງການ;
● ສາມາດວິເຄາະ, ວາງແຜນ, ກຳນົດ ແລະ ຈັດລຽງບຸລິມະສິດວຽກ;
ໝາຍເຫດ: ຫ້ອງການ ທລຍສະໜັບສະໜູນໃຫ້ແມ່ຍິງຜູ້ທີ່ມີຄວາມຮູ້ຄວາມສາມາດເໝາະສົມສະໝັກ ແລະ ຖ້າເປັນຜູ້ຍິງ ໂດຍສະເພາະແມ່ນຊົນເຜົ່າ ແລະ ເຄີຍເຮັດວຽກກ່ຽວກັບການພັດທະນາ ຊົນນະບົດມາກ່ອນ ຈະໄດ້ຮັບການພິຈາລະນາເປັນກໍລະນີພິເສດ. ທ່ານສາມາດພົວພັນ ເອົາພາລະບົດບາດ ແລະ ໜ້າທີ່ຮັບຜິດຊອບລະອຽດ ຂອງຕຳແໜ່ງດັ່ງກ່າວ ຈາກຫ້ອງການຂ້າງລຸ່ມນີ້ ຫລື ຢູ່ເວັບໄຊຂອງໂຄງການ: www.prflaos.org
ເອກະສານຍື່ນສະໝັກປະກອບມີ:
1) ໃບຄຳຮ້ອງສະໝັກງານເຊິ່ງລະບຸຊື່ຕຳແໜ່ງ, ບ່ອນປະຈຳການແລະ ປະສົບການຜ່ານມາ ທີ່ແທດເໝາະກັບຕຳແໜ່ງທີ່ສະໝັກພ້ອມດ້ວຍລາຍຊື່ ແລະ ເລກໂທລະສັບຂອງຜູ້ຢັ້ງຢືນ 03 ທ່ານ. (ຖ້າເປັນພາສາອັງກິດ ຍິ່ງດີ)
2) ໃບຊີວະປະຫວັດ ທີ່ບອກລະອຽດກ່ຽວກັບ ການສຶກສາ, ປະສົບການເຮັດວຽກໃນໄລຍະຜ່ານມາ (ຖ້າເປັນພາສາອັງກິດ ຍິ່ງດີ)
3) ສຳເນົາໃບຂັບຂີ່, ໃບຜ່ານງານ, ໃບແຈ້ງໂທດ, ສຳເນົາບັດປະຈຳຕົວ ຫລື ປຶ້ມສຳມະໂນຄົວ, ພ້ອມດ້ວຍ ຮູບຖ່າຍບໍ່ກາຍ 3 ເດືອນ ຂະໜາດ 3X4 01 ໃບ.
ສຳລັບຜູ້ທີ່ສົນໃຈສະໝັກ ກະລຸນາສົ່ງເອກະສານສະໝັກທັງໝົດຂອງທ່ານ ໄປຫ້ອງການ ທລຍ ແຂວງທລຍ ສາລະວັນ ຊຶ່ງຕັ້ງຢູ່ຫ້ອງວ່າການແຂວງສາລະວັນ, ເບີໂທລະສັບ: 034 212014, ແຟັກ 034 212015. Email:prfthongso@yahoo.com ຫລື ສົ່ງມາຫ້ອງການ ທລຍ ສູນກາງ ທີ່ນະຄອນຫລວງວຽງຈັນ ຕັ້ງຢູ່ຫ້ອງວ່າການສຳນັກງານນາຍົກລັດຖະມົນຕີ, ໂທລະສັບ 021 261 479-80, ແຟັກ 021 261481. Email: piengngeune@prflaos.org ຫລື Khemphone@prflaos.org.
ກະລຸນາຮັບຊາບວ່າ ໂຄງການ ທລຍ ຈະຕິດຕໍ່ຫາຜູ້ທີ່ເໝາະສົມ ແລະຖືກຕ້ອງຕາມເງິື່ອນໄຂທີ່ຄົບຖ້ວນເທົ່ານັ້ນ ເພື່ອດຳເນີນຂະບວນການປະເມີນ.
ວັນທີປິດຮັບສະໝັກ 05 ມິຖຸນາ 2017.
(ເອກະສານສະໝັກທຸກຢ່າງ ຈະບໍ່ອະນຸຍາດໃຫ້ຖອນຄືນ)