ກອງທຶນຫລຸດຜ່ອນຄວາມທຸກຍາກແຂວງ ຫລວງພະບາງ
(ປະກາດຮັບສະໝັກພະນັກງານ)
ກອງທຶນຫລຸດຜ່ອນຄວາມທຸກຍາກ ເປັນໂຄງການໜຶ່ງທີ່ຂຶ້ນກັບລັດຖະບານ ກໍ່ຄືຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ, ຫ້ອງວ່າການລັດຖະບານ ໄດ້ຮັບທຶນຊ່ວຍເຫລືອຈາກທະນາຄານໂລກ, ອົງການຮ່ວມມືດ້ານການພັດທະນາປະເທດສະວິດເຊີແລນ,ອົງການອົດສ໌ຕາລີ ແລະ ກອງທຶນພັດທະນາສັງຄົມຂອງຍີ່ປຸ່ນ ເພື່ອສະໜອງພຶ້ນຖານໂຄງລ່າງຂະໜາດນ້ອຍ ແລະ ສ້າງຄວາມເຂັ້ມແຂງໃຫ້ປະຊາຊົນຢູ່ກຸ່ມບ້ານທີ່ທຸກຍາກ. ປະຈຸບັນ ທລຍ ໄດ້ຮັບການສືບຕໍ່ໂຄງການໄລຍະທີສອງ(2012-2016)ແລະ ໄດ້ຂະຫຍາຍເມືອງໃໝ່ ເຊິ່ງ ມີຄວມຕ້ອງການ ພະນັກງານ03 ຕໍາແໜ່ງ ເພື່ອປະຈໍາ ເມືອງ ຈອມເພັດ ແຂວງ ຫລວງພະບາງ ລາຍລະອຽດດັ່ງລຸ່ມນີ້:
ເງື່ອນໄຂທາງດ້ານຄວາມຮູ້ ແລະ ປະສົບການຂອງຜູ້ສະໝັກ:
1.ວິສະວະກອນ ຂັ້ນເມືອງ:
· ຮຽນຈົບວິຊາສະເພາະດ້ານວິສະວະກຳກໍ່ສ້າງ ຫລື ອອກແບບ
· ມີຄວາມຮູ້ ຫລື ປະສົບການໃນການຕິດຕາມ ແລະ ກວດກາໂຄງການກໍ່ສ້າງໂຄງລ່າງພື້ນຖານ ຢູ່ເຂດຊົນນະບົດຢ່າງໜ້ອຍ 2ປິ
· ມີປະສົບການຫລື ມີທັກສະໃນການພົວພັນ ແລະ ປະສານງານກັບຊຸມຊົນ, ອໍານາດການປົກຄອງທຸກລະດັບໄດ້ດີ
· ສາມາດນຳໃຊ້ຄອມພິວເຕີ Ms. Office (word, excel)
· ມີຄວາມຮູ້ ຫລື ປະສົບການໃນການເປັນຄູຝຶກ
2.ບໍລິຫານການເງິນ ຂັ້ນເມືອງ:
· ຮຽນຈົບການເງິນ/ບັນຊີ, ບໍລິຫານທຸລະກິດ ຫລື ຂະແໜງການອື່ນໆທີ່ກ່ຽວຂ້ອງ
· ມີປະສົບການເຮັດວຽກກ່ຽວກັບການຄຸ້ມຄອງບໍລິຫານ-ການເງິນ,ບັນຊີໂຄງການ ຫລື ວຽກຈັດຊີື້-ຈັດຈ້າງຢ່າງໜ້ອຍ 2ປີ
· ມີປະສົບການເຮັດວຽກກັບຊຸມຊົນ ຫລື ໂຄງການພັດທະນາຊົນນະບົດ
· ຄຸ້ນເຄີຍຫລືມີຄວາມຮູ້ກ່ຽວກັບລະບົບການຈັດຕັ້ງປະຕິບັດວຽກຂອງໂຄງການ ທີ່ໄດ້ຮັບການຊ່ວຍເຫລືອຈາກທະນາຄານໂລກຫລື ໂຄງການສາກົນອື່ນຍິ່ງເປັນການດີ.
· ມີປະສົບການໃນການເປັນຄູຝຶກ ໃຫ້ຜູ້ອື່ນໆ ຫລື ຊຸມຊົນ
· ສາມາດນຳໃຊ້ຄອມພິວເຕີໄດ້ດີ ເປັນຕົ້ນແມ່ນ MS Word and Excel ແລະອື່ນໆ
· ສາມາດເດີນທາງໄປເຮັດວຽກຢູ່ເຂດຫ່າງໄກສອກຫລີກ
3.ພັດທະນາຊຸມຊົນ ຂັ້ນເມືອງ:
· ຮຽນຈົບ ຫລື ມີປະສົບການດ້ານການພັດທະນາຊຸມຊົນ ຫລື ຊົນນະບົດ
· ມີຄວາມຮູ້ກ່ຽວກັບວິທີການວາງແຜນແບບມີສ່ວນຮ່ວມ ແລະ ເຄື່ອງມືໃນການປະເມີນການມີສ່ວນຮ່ວມຢູ່ຊົນນະບົດ
· ມີປະສົບການໃນການຈັດກອງປະຊຸມ ແລະ ຝຶກອົບຮົມ
· ມີຄວາມຮູ້ ແລະ ປະສົບການຈຳນວນໜຶ່ງທາງດ້ານການນຳໃຊ້ ຄອມພິວເຕີ ເຊັ່ນ: Microsoft Word, Excel, Power pointແລະ ອື່ນໆ.
· ຖ້າສາມາດເວົ້າພາສາຊົນເຜົ່າຂອງທ້ອງຖິ່ນ ຈະໄດ້ຮັບພິຈາລະນາເປັນພິເສດ.
ເອກະສານຍື່ນສະໝັກປະກອບມີ:
ໃບຄຳຮ້ອງສະໝັກງານ ເຊິ່ງລະບຸຕຳແໜ່ງ,ບ່ອນປະຈຳການ ແລະ ປະສົບການຜ່ານມາທີ່ແທດເໝາະກັບຕຳແໜ່ງທີ່ສະໝັກ ພ້ອມດ້ວຍລາຍລະອຽດຂອງຜູ້ຢັ້ງຢືນ 03 ທ່ານ, ຊີວະປະຫວັດ, ສຳເນົາໃບຂັບຂີ່, ໃບຜ່ານງານ, ໃບແຈ້ງໂທດ, ສຳເນົາບັດປະຈຳຕົວ ຫລື ປຶ້ມສຳມະໂນຄົວ, ພ້ອມດ້ວຍ ຮູບຖ່າຍບໍ່ກາຍ 3 ເດືອນ ຂະໜາດ 3X4 01 ໃບ ໄປທີ່:ຫ້ອງການ ທລຍ ຫລວງພະບາງ ເຊິ່ງຕິດກັບຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ ແຂວງ ຫລວງພະບາງ ບ້ານ ປ່ອງຄຳ ເມືອງ ຫລວງພະບາງ ເບີໂທລະສັບ: 071 213 376.
ກະລຸນາຮັບຊາບວ່າ ກອງທຶນຈະທຳການຕິດຕໍ່ຫາຜູ້ທີ່ເໝາະສົມ ແລະຖືກຕ້ອງຕາມເງິື່ອນໄຂທີ່ຄົບຖ້ວນເທົ່ານັ້ນ ເພື່ອດຳເນີນຂະບວນການປະເມີນ. (ເອກະສານສະໝັກທຸກຢ່າງຈະບໍ່ອະນຸຍາດໃຫ້ຖອນຄືນ).
