ໂຄງການກໍ່ສ້າງລະບົບນໍ້າລີນບ້ານປຸ່ງແມ່ນມີຄວາມເປັນປໄດ້ສູງ
ໂດຍ: ຕົ່ງເຊັ້ງວື່
ບ້ານປຸ່ງຢູ່ຫ່າງຈາກຕົວເມືອງໜອງແຮດ 105 ກິໂລແມັດ ແມ່ນໜຶ່ງໃນຈໍານວນບ້ານທີ່ທຸກຍາກທີ່ສຸດໃນກຸ່ມບ້ານໂພ ເປັນບ້ານປະສົມ ມີເຜົ່າລາວລຸ່ມ ແລະ ເຜົ່າມົ້ງ ເຊິ່ງມີຈໍານວນພົນລະເມືອງທັງໝົດ 377 ຄົນ,ໃນນັ້ນມີຍິງ 159 ຄົນ,ເດັກນ້ອຍທີ່ມີອາຍຸຕໍ່າກ່ວາ 15 ປີ ມີ 150 ຄົນ ໃນນັ້ນມີຍິງ 76 ຄົນ.
ໂດຍອີງຕາມກອງປະຊຸມວາງແຜນພັດທະນາກຸ່ມບ້ານຄັ້ງວັນທີ່ 8 ເດືອນຕຸລາ 2012 ທີ່ເຫັນວ່າບ້ານປຸ່ງແມ່ນບ້ານທີ່ຂາດເຂີນນໍ້າໃຊ້ທີ່ສຸດມີຄວາມຈໍາເປັນກວ່າບັານອື່ນທັງໝົດ, ດັ່ງນັ້ນກອງປະຊຸມວາງແຜນພັດທະນາໄລຍະ 5 ປີຂອງກຸ່ມບ້ານ
ໂພ ຈື່ງໄດ້ຈັດເປັນບູລິມະສິດຢູ່ໃນປີທີ່ 3 ຂອງແຜນພັດທະນາກຸ່ມບ້ານຊຶ່ງເປັນກິດຈະກໍາກໍ່ສ້າງໃນຮອບວຽນທີ່ 11 ສົກປີ 2013-2014 ເພາະສະນັ້ນເພື່ອຕອບສະໜອງຕາມຄວາມຈໍາເປັນຂອງປະຊາຊົນຊາວບ້ານປຸ່ງນັ້ນ ໃນວັນທີ່ 16-17 ກໍລະກົດ 2013 ທາງວິຊາການຂອງ ທລຍ,ວິຊາການຂອງຫ້ອງການສາທາລະນະສຸກເມືອງ ແລະ ຕາງໜ້າຫ້ອງການພັດທະນາຊົນນະບົດເມືອງ ພ້ອມດ້ວຍພໍ່ແມ່ປະຊາຊົນບ້ານດັ່ງກ່າວ ໄດ້ລົງມືສໍາຫຼວດເບິ່ງຄວາມເປັນໄປໄດ້ ໃຫ້ແກ່ບ້ານດັ່ງກ່າວ ໃນນັ້ນມີຜູ້ເຂົ້າຮ່ວມທັງໝົດ 40 ຄົນ, ຍິງ 15 ຄົນ.
ຜ່ານການສໍາຫຼວດຕົວຈິງມີຄວາມຍາວທັງໝົດ 4,720 ແມັດ ຄາດວ່າຈະໄດ້ໃຫ້ຢ່າງນ້ອຍ 5 ກອັກຕາມຄວາມເໝາະສົມ ແລະ ຈະໃຫ້ໄດ້ລົງມືກໍ່ສ້າງໃນໄວໆນີ້ ສ່ວນທາງຊຸມຊົນແມ່ນມີຄວາມພ້ອມໃນການປະກອບສ່ວນແຮງງານ ແລະ ວັດຖຸທ້ອງຖິ່ນທີ່ຫາໄດ້.
