ຝືກອົບຮົມຄຸ້ມຄອງນຳໃຊ້ໂຄງການກໍ່ສ້າງໂຮງຮຽນບ້ານຈ່າຄຳປິງ ກຸ່ມບ້ານສີວິໄລ ເມືອງລອງແຂວງຫລວງນ້ຳທາ ຮອບວຽນທີ11 [1]
ຝືກອົບຮົມຄຸ້ມຄອງນຳໃຊ້ໂຄງການກໍ່ສ້າງໂຮງຮຽນ
ປະຖົມ ບ້ານຈ່າຄຳປິງ ກຸ່ມບ້ານສີວິໄລ ເມືອງລອງແຂວງຫລວງນ້ຳທາຮອບວຽນທີ11
ໂດຍ: ສໍລະພົງພະນະຄອນ
ໃນວັນທີ 20 ພະຈິກ 2014 ທລຍ ເມືອງລອງ ແຂວງຫລວງນໍ້າທາ ໄດ້ຈັດຝຶກອົບຮົມຄຸ້ມຄອງນຳໃຊ້ໂຄງການຍ່ອຍຂຶ້ນ ສໍາລັບໂຄງການກໍ່ສ້າງໂຮງຮຽນປະຖົມ ບ້ານຈ່າຄຳປິງກຸ່ມບ້ານສີວິໄລ ທັ້ງນີ້ກໍເພື່ອສ້າງຄວາມເຂັ້ມແຂງໃຫ້ແກ່ທີມງານຈັດຕັ້ງປະຕິບັດຂັ້ັ້ນບ້ານ ແລະ ຜູ້ປະສານກຸ່ມບ້ານໃຫ້ມີຄວາມຮູ້ ຄວາມສາມາດ ແລະ ເຂົ້າໃຈໃນການບົວລະບັດຮັກສາຄຸ້ມຄອງໂຄງການຍ່ອຍໃຫ້ມີຄວາມຍືນຍົງ ໂດຍເປັນກຽດເຂົ້າຮ່ວມຂອງຜູ້ປະສານງານຝ່າຍລັດ, ຂະແໜງການສືກສາພ້ອມດ້ວຍທີມງານກຸ່ມບ້ານ,ຂັ້ນບ້ານອຳນາດການປົກຄອງບ້ານແລະ ຊາວບ້ານທັງໝົດ 51 ຄົນ,ຍິງ 4 ຄົນ.
ສໍາລັບການຝືກໃນຄັ້ງນີ້ ມີຫົວຂໍ້ສຳຄັນຄື:
§ ນຳສະເໜີໂຄງຮ່າງການຈັດຕັ້ງ ຂອງຄະນະກຳມະການບົວລະບັດຮັກສາອາຄານ
§ ນຳສະເໜີ ພາລະບົດບາດຂອງຄະນະກຳມະການບົວລະບັດຮັກສາອາຄານ
§ ແນະນຳການສ້າງກອງທຶນບູລະນະສ້ອມແປງ ແລະ ຄຸ້ມຄອງນໍາໃຊ້
§ ນຳສະເໜີກົດລະບຽບຂອງການນໍາໃຊ້ເງິນ
§ ນຳສະເໜີການວາງແຜນການກວດກາຕິດຕາມການບົວລະບັດການສ້ອມແປງ
§ ນຳສະເໜີ ອະທິບາຍ ຂັ້ນຕອນການສ້ອມແປງ
§ ອະທິບາຍຮູບພາບກ່ອນການສ້ອມແປງ ແລະ ຫຼັງສ້ອມແປງ
ພ້ອມດຽວກັນນັ້ນ ໃນການຝືກໃນຄັ້ງນີ້ໄດ້ມີການຄັດເລືອກຄະນະຮັບຜິດຊອບໃນການປົກປັກຮັກສາໂຮງຮຽນເພື່ອເອົາລາຍຊື່ເຂົ້າໃນໂຄງຮ່າງການຈັດຕັ້ງ, ໄດ້ຕົກລົງສ້າງກອງທຶນໂດຍການປືກສາຫາລືກັນລະຫວ່າງອົງການຈັດຕັ້ງບ້ານ ແລະ ຊາວບ້ານ, ໄດ້ຕົກລົງເປັນເອກະພາບກັນ ເກັບເງິນສ້າງກອງທຶນເປັນຈຳນວນ 2000ກີບ/ເດືອນ ເກັບ2ຄັ້ງ/ປີ ແລະໄດ້ເຮັດບົດບັນທືກໄວ້ພ້ອມນັ້ນກໍ່ໄດ້ສ້າງກົດລະບຽບໃນການນຳໃຊ້ເງິນກອງທຶນແລະ ລະບຽບໃນການຄຸ້ມຄອງໂຮງຮຽນດັ່ງກ່າວ.
ຜ່ານການຝຶກອົບຮົມຄັ້ງນີ້ ເຫັນໄດ້ວ່າຊາວບ້ານໄດ້ມີຄວາມເຂົ້າໃຈຮັບຮູ້ຕໍ່ກັບການຄຸ້ມຄອງນຳໃຊ້ແລະ ການສ້າງເງິນກອງທຶນເພື່ອປົກປັກຮັກສາໂຄງການແບບຍືນຍົງ.
