ກອງປະຊຸມສະຫຼຸບວຽກງານກອງທຶນຫລຸດຜ່ອນຄວາມທຸກຍາກແຂວງຫລວງນ້ຳທາ 12 ປີ (2008-2020)
ແລະ ແຜນພັດທະນາວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກຂອງ 5 ເມືອງ ພາຍໃນແຂວງຫຼວງນໍ້າທາ (2021-2030)
ໃນວັນທີ ພະຈິກຜ່ານມາ, ກອງປະຊຸມສະຫຼຸບວຽກງານກອງທຶນຫລຸດຜ່ອນຄວາມທຸກຍາກແຂວງຫລວງນ້ຳທາ 12 ປີ (2008-2020) ໄດ້ຈັດຂຶ້ນທີ່ຫ້ອງປະຊຸມຂອງຂະແໜງການພັດທະນາຊົນນະບົດ ແລະ ສະຫະກອນ ໂດຍໃຫ້ກຽດເປັນປະທານ ຂອງທ່ານ ຈິດ ທະວິໃສ ຜູ້ອຳນວຍການກອງທຶນຫຼຸດຜ່ອນຄວາມທຸກຍາກ ( ທລຍ ) ແລະ ການເຂົ້າຮ່ວມຂອງພະນັກງານຫຼັກແຫຼ່ງຈາກບັນດາພະແນກທີ່ກ່ຽວຂ້ອງຂອງແຂວງ:ພະແນກກະສິກໍາ ແລະ ປ່າໄມ້, ພະແນກ ສຶກສາທິການ ແລະ ກິລາ, ພະແນກ ສາທາລະນະສຸກ, ພະແນກ ແຜນການ - ການລົງທຶນ,ພະແນກ ໂຍທາທິການ ແລະ ຂົນສົ່ງ,ພະແນກແຮງງານ ແລະ ສະຫວັດດີການສັງຄົມ,ຫ້ອງວ່າການປົກຄອງແຂວງ, ແລະ ສະຫະພັນແມ່ຍິງ ແຂວງ ລວມທັງໝົດ 18 ທ່ານ, ຍິງ 2 ທ່ານ.
ຈຸດປະສົງ:ເພື່ອປືກສາຫາລື ລະຫວ່າງກອງທຶນຫລຸດຜ່ອນຄວາມທຸກຍາກ ແລະ ພາກສ່ວນທີ່ກ່ຽວຂ້ອງຂັ້ນແຂວງກ່ຽວກັບ
ໂຄງການກອງທຶນຫລຸດຜ່ອນຄວາມທຸກຍາກ (ທລຍ) ຫຼັງປີ2020 ແລະ ແຜນພັດທະນາປີ 2021 – 2030
ທີ່ກອງປະຊຸມໄດ້ຜ່ານບົດສະຫຼູບການຈັດຕັ້ງປະຕິບັດວຽກງານໃນໄລຍະ 12 ປີແຕ່ປີ 2008-2020 ໄດ້ຈັດຕັ້ງປະຕິບັດຢູ່
03 ເມືອງ, ເມືອງ ລອງ, ເມືອງ ວຽງພູຄາ ແລະ ເມືອງ ນາແລ ເຊີ່ງໄດ້ແບ່ງອອກເປັນ 03 ໄລຍະຄື:
ໄລຍະທີ1 ຮອບວຽນ 6-8 (2008-2010)
ໄລຍະທີ2 ຮອບວຽນ 9-13 (2011-2015)
ໄລຍະທີ3 ຮອບວຽນ 14-17(2016-2019)
ແລະ ຜ່ານແຜນຍຸດທະສາດການພັດທະນາ 2021-2030 ຂອງແໜງພັດທະນາຊົນນະບົດ ແລະ ສະຫະກອນ ຂອງແຂວງຫຼວງນໍ້າທາ ໃນ 05 ເມືອງ, 12 ກຸ່ມບ້ານປະກອບມີ
1.
ເມືອງຫລວງນໍ້າທາ 2 ກຸ່ມບ້ານ ຄື: ກຸ່ມບ້ານ ຫ້ວຍດໍາ, ກຸ່ມບ້ານ ສົບຊີມ
2.
ເມືອງສິງ 2 ກຸ່ມບ້ານຄື: ກຸ່ມບ້ານມອມ ແລະ ກຸ່ມບ້ານຊຽງແຂງ
3.
ເມືອງລອງ 4 ກຸ່ມຄື: ກຸ່ມບ້ານສະ, ກຸ່ມບ້ານຈອມໝອກ,ກຸ່ມບ້ານຈ່າໃໝ ແລະ ກຸ່ມບ້ານຜາງົວ
4.
ເມືອງວຽງພູຄາ 2 ກຸ່ມບ້ານຄື: ກຸ່ມບ້ານ ທົ່ງລາດ ແລະ ກຸ່ມບ້ານປາກຄານ
5.
ເມືອງນາແລ 2 ກຸ່ມບ້ານຄື: ກຸ່ມບ້ານພູຈະແລ ແລະ ກຸ່ມບ້ານຕະເຄີງ.
Ø
ການປະກອບຄຳເຫັນຈາກແຕ່ລະພາກສ່ວນ:
1.
ໃຫ້ ທລຍ ຊອກຫາແຫຼ່ງທຶນສືບຕໍ່ການພັດທະນາດ້ານພື້ນຖານໂຄງລາງ ແລະ ຄຽງຄູ່ກັນນັ້ນໃຫ້ເສີມກິດຈະກໍາສ້າງລາຍຮັບໃຫ້ແກ່ຄອບຄົວທຸກຍາກທີ່ຢູ່ເຂດຫ່າງໄກຊອກຫລິກໃຫ້ໄດ້ຮັບການພັດທະນາ.
2.
ການກຳນົດກຸ່ມບ້ານເປົ້າໝາຍຢາກໃຫ້ນອນໃນກຸ່ມບ້ານຈຸດສຸມພັດທະນາຂອງແຂວງທີ່ກໍານົດໄວ້ໃຫ້ໄປຕາມລວງດຽວກັນ.
3.
ໃຫ້ເຮັດເປັນບົດໂຄງການສົ່ງເສີມການແປຮູບຜະລິດຕະພັນຂອງຊຸມຊົນໃຫ້ເປັນຮູບປະທໍາ, ຊ່ວຍສົ່ງເສີມການສ້າງແຫຼ່ງລາຍຮັບໃຫ້ຊຸມຊົນ
4.
ສົ່ງເສີມຊຸກຍູ້ຝຶກອົບຮົມສີມືແຮງງານ, ການລ້ຽງສັດ, ການປຸກພືດຜັກ ແລະ ໄມ້ໃຫ້ໝາກເພື່ອສະໜອງສູ່ທ້ອງຕະຫຼາດພາຍໃນໃຫ້ພຽງພໍເພື່ອຫລີກລ້ຽງຈາກການນໍາເຂົ້າຈາກຕ່າງປະເທດ.
5.
ບໍ່ໃຫ້ເອົາຈໍານວນພົນລະເມືອງມາປຽບທຽບກັບການລົງທຶນ ຫລື ເປັນການເງືອນໄຂໃນການກໍານົດງົບປະມານໂຄງການ.
ທ່ານ ຈິດ ທະວີໃສ, ຜູ້ອໍານວຍການ ທລຍ ໄດ້ກ່າວເນັ້ນ:
1.
ມອບໃຫ້ເມືອງ, ແຂວງ ລົງສໍາຫຼວດໂຄງການທຶນສົມທົບລັດຖາບານ ເພື່ອສົ່ງໃຫ້ສູນກາງບໍ່ໃຫ້ກາຍກາງເດືອນ 11/2020
2.
ໃຫ້ຂັ້ນເມືອງ, ຂັ້ນແຂວງເອກະພາບກັນກ່ຽວກັບແນວຄວາມຄິດແຜນພັດທະນາຊົນນະບົດປີ 2021-2030 ເພື່ອສົ່ງໃຫ້ ກະຊວງກະສິກໍາ ແລະ ປ່າໄມ້.
3.
ທ້າຍເດືອນທັນວາ 2020 ຈະໄດ້ຈັດກອງປະຊຸມສະຫຼູບຜົນການຈັດຕັ້ງປະຕິບັດວຽກງານ ທລຍ ແຂວງຫຼວງນໍ້າທາ ໄລຍະ 12 ປີ ແລະ ປິດໂຄງການໂດຍຫຼັກການ, ແຕ່ຈະສຶບຕໍ່ສໍາລັບໂຄງການທີ່ຍັງບໍ່ທັນສໍາເລັດໃຫ້ຫ້ອງການທີ່ກ່ຽວຂ້ອງສຶບຕໍ່ຈັດຕັ້ງປະ
ຕິບັດ ແລະ ຝຶກອົບຮົມການຄຸ້ມຄອງນໍາໃຊ້ກ່ອນມອບຮັບໂຄງການ.
4.
ໃຫ້ພະແນກກະສິກໍາ ແລະ ປ່າໄມ້ ປະເມີນໜ້າວຽກເພື່ີອຈະປັບປຸງຊັບຊ້ອນພະນັກງານໃຫ້ເໝາະສົມກັບໜ້າວຽກຕົວຈິງທີ່ຈະຈັດຕັ້ງປະຕິບັດໃນປີ 2021.
