ມອບເຄື່ອງຊ່ວຍເຫຼືອ ເຄື່ອງນຸ່ງຫົ່ມ ໃຫ້ຜູ້ທຸກຍາກ ຊົນນະບົດ ສປປ ລາວ
ໃນວັນທີ 13 ສິງຫາ 2021 ຜ່ານມາ ທ່ານ ສີສະຫວັດ ເກີດກອງ, ອະດີດຮອງອໍານວຍການ ທລຍ, ຫົວໜ້າກອງເລຂາສະພາວິທະຍາສາດເຕັກນິກກະສິກໍາ ແລະ ປ່າໄມ້, ກົມນະໂຍບາຍ ແລະ ນິຕິກໍາ, ກະຊວງກະສິກໍາ ແລະ ປ່າໄມ້ ໄດ້ນໍາເອົາເຄື່ອງບໍລິຈາກ ມາມອບໃຫ້ ກອງທຶນຫຼຸດຜ່ອນຄວາມທຸກຍາກ (ທລຍ) ເຊິ່ງປະກອບມີ: ເສື້້ອຍືດຈໍານວນ 100 ຜືນ, ເສື້ອຊ້ອນຜູ້ຍິງຈໍານວນ 73 ໂຫຼ ແລະ ຜ້າຫົ່ມຈໍານວນ 30 ຜືນ ເພື່ອສົ່ງມອບຕໍ່ໃຫ້ປະຊາຊົນທີ່ຢູ່ເຂດຊົນນະບົດຫ່າງໄກສອກຫຼີກ ຄິດເປັນມູນຄ່າ 5.600.000 ກີບ. ໃຫ້ກຽດຮັບເອົາເຄື່ອງຊ່ວຍເຫຼືອບໍລິຈາກໃນຄັ້ງນີ້ໂດຍ ທ່ານ ພັດນະຄອນ ຄັນທະມີໄຊ, ຜູ້ອໍານວຍການບໍລິຫານ ທລຍ ພ້ອມດ້ວຍຄະນະ.
ໃນນາມກອງທຶນຫຼຸດຜ່ອນຄວາມທຸກຍາກ ກໍຄືປະຊາຊົນຜູ້ທີ່ດໍາລົງຊີວິດຢູ່ເຂດຊົນນະບົດຫ່າງໄກສອກຫຼີກ ຂໍສະແດງຄວາມຂອບໃຈຢ່າງສູງມາຍັງ ທ່ານ ສີສະຫວັດ ເກີດກອງທີ່ໄດ້ຊ່ວຍອຸປະຖໍາເຄື່ອງບໍລິຈາກດັ່ງກ່າວທີ່ມີຄຸນຄ່າໃຫ້ແກ່ປະຊາຊົນບັນດາເຜົ່າ, ພວກເຮົາໃນນາມ ພະນັກງານ ທລຍ ໃຫ້ຄໍາໝັ້ນສັນຍາວ່າ ຈະນໍາເອົາເຄື່ອງດັ່ງກ່າວ ໄປມອບຕໍ່ໃຫ້ປະຊາຊົນຢ່າງແທ້ຈິງ ແລະ ຫວັງຢ່າງຍິ່ງວ່າຈະໄດ້ຮັບການອຸປະຖໍາຈາກທ່ານອີກໃນຄັ້ງຕໍ່ໄປ. ຖ້າບຸກຄົນໃດ ຫຼື ອົງການໃດມີຈຸດປະສົງຢາກອຸປະຖໍາຊ່ວຍເຫຼືອເຄື່ອງເພື່ອຊ່ວຍປະຊາຊົນຢູ່ເຂດຊົນນະບົດຫ່າງໄກສອກຫຼີກ ພວກເຮົາຍິນດີ ໃຫ້ຄວາມຮ່ວມມື ແລະ ສາມາດພົວພັນໄດ້ທີ່ຫ້ອງການ ທລຍ ສູນກາງ:
021-261479-80 ຫລືສາມາດຕິດຕໍ່ຄະນະຮັບຜິດຊອບລະດົມ ແລະ ແຈກຢາຍເຄືື່ອງຊ່ວຍເຫຼືອຜູ້ທຸກຍາກ:
ເບີໂທ ແລະ ວອດແອບ
ທ່ານ ດຣ ນາງ ຄອນທິບ ພວງເພັດ: 020 9118 6644
ທ່ານ ຫົງເງິນ ສະເດັດຕັນ: 020 5558 7815
ທ່ານ ແສງທະວີ ສີຫາພອນ: 020 9800 7888
ທ່ານ ແສງອາລຸນ ພິລາຈັນ: 020 55622205
ທ່ານ ດວງເພັດ ອິນທະວົງ: 020 2223 2409
ທ່ານ ໜູທອງ ສີຫານາມ: 020 5670 4441
