ຂະແໜງກະສິກໍາ ແລະ ປັບປຸງຊີວິດການເປັນຢູ່ ແລະ ຂະແໜງໂພຊະນາການ ປະຊຸມຮ່ວມກັບຄະນະອໍານວຍການ

ຂະແໜງກະສິກໍາ ແລະ ປັບປຸງຊີວິດການເປັນຢູ່ ແລະ ຂະແໜງໂພຊະນາການ ປະຊຸມຮ່ວມກັບຄະນະອໍານວຍການ

ໃນຕອນເຊົ້າຂອງ ວັນທີ 28 ມິຖຸນາ 2021, ຂະແໜງກະສິກໍາ ແລະ ປັບປຸງຊີວິດການເປັນຢູ່ ແລະ ຂະແໜງໂພຊະ ນາການຂອງກອງທຶນຫຼຸດຜ່ອນຄວາມທຸກຍາກ(ທລຍ), ກະຊວງກະສິກໍາ ແລະ ປ່າໄມ້ ປະຊຸມຮ່ວມກັບຄະນະອໍານວຍການ ທລຍ ເພື່ອປຶກສາຫາລື, ທົບທວນຄືນບັນດາໜ້າວຽກຫຼັກຂອງສອງຂະແໜງການ ພ້ອມທັງວາງແຜນວຽກໃນຕໍ່ໜ້າໃຫ້ບັນລຸຕາມເປົ້າໝາຍຂອງໂຄງການວາງອອກ ພ້ອມນີ້ ກໍເພື່ອເຮັດໃຫ້ ສອງຂະແໜງຫຼັກນີ້ ໄດ້ເຮັດວຽກໄປພ້ອມໆກັນ ລວມທັງການວາງແຜນລົງຈັດຕັ້ງປະຕິບັດວຽກງານຝຶກອົບຮົມ ໃຫ້ພະນັກງານຂັ້ນເມືອງ ແລະ ຂັ້ນບ້ານ ແລະ ການລົງຊຸກຍູ້ຈັດຕັ້ງປະຕິບັດບັນດາກິດຈະກໍາຕ່າງໆ ໃຫ້ມີຄວາມສອດຄ່ອງກັນ ທັງຮັບປະກັນໃຫ້ວຽກງານປະສົບຜົນສໍາເລັດຕາມລະດັບຄາດໝາຍຢ່າງເປັນຮູບປະທໍາ.