ທລຍ ແຂວງຊຽງຂວາງໄດ້ນໍາພາທີມງານຂັ້ນບ້ານໄປຖອດຖອນບົດຮຽນຢູ່ແຂວງຫົວພັນ
©¨: ª‰¤À§˜¤¸ˆ
ໃນມື້ວັນທີ່ 1-4 /7/2015 ທີມງານ ທລຍ ແຂວງຊຽງຂວາງໄດ້ນໍາພາ ທີມງານຂັ້ນບ້ານຂອງ 4 ເມືອງໄປທັດສະນະສຶກສາຖອດຖອນບົດຮຽນທີ່ເມືອງແອດ ແລະ ເມືອງ ຮ້ຽມ ແຂວງ ຫົວພັນ.
ການໄປທັດສະນະສຶກສາຄັ້ງນີ້ແມ່ນໄປຮຽນຮູ້ກ່ຽວກັບການອະນຸລັກຮັກສາສີ່ງແວດລ້ອມ ເວົ້າລວມເວົ້າສະເພາະແມ່ນ ວັງສະຫງວນ ຢູ່ບ້ານເມືອງແອດ ແລະ ຖອດຖອນບົດຮຽນໃນການຕໍ່າຫູກ ແລະ ກິດຈະກໍາລ້ຽງໄກ່ 3 ສາຍເລືອດຂອງບ້ານສາກົກ ເມືອງ ຮ້ຽມ ແຂວງ ຫົວພັນ.
ຕົວແທນຈາກບ້ານພາຍໃນ 4 ເມືອງຂອງແຂວງຊຽງຂວາງລ້ວນແລ້ວແຕ່ແມ່ນບ້ານທີ່ມີໜໍ່ແໜງໃນການຈັດຕັ້ງປະຕິບັດກິດຈະກໍາສ້າງຕັ້ງວັງສະຫງວນມາກ່ອນແລ້ວແຕ່ເຂົາເຈົ້າຍັງຂາດຄວາມຮູ້ດ້ານລະບຽບ ແລະ ມາດຕາການຕ່າງໆຕໍ່ກັບຜູ້ລະເມີດ.
ຜ່ານການທັດສະນະສຶກສາຖອດຖອນບົດຮຽນພາຍໃນ 2 ວັນໂດຍຜ່ານການຮຽນຮູ້ຕົວຈີງແລ້ວ ເຫັນໄດ້ວ່າ ທີມງານຂັ້ນບ້ານວ່າ ສາມາດນໍາບົດຮຽນດັ່ງກ່າວນີ້ໄປຈັດຕັ້ງປະຕິບັດຢູ່ບ້ານຂອງເຂົາເຈົ້າໄດ້ຢ່າງມີປະສິດຕິພາບ ແລະ ປະສິດຕິຜົນ.
