ທລຍ ຊ່ວຍພັດທະນາ 5 ກຸ່ມບ້ານ ເມືອງຊ່ອນ
ໂດຍ: ພັດທະນາຊຸມຊົນ ທລຍ ເມືອງຊ່ອນ
ເມືອງຊ່ອນເປັນເມືອງໜຶ່ງທີ່ທຸກຍາກ ທີ່ນອນຢູ່ໃນກຸ່ມເປົ້າໝາຍຂອງ ກອງທຶນຫຼຸດຜ່ອນຄວາມທຸກຍາກ (ທລຍ) ເຊິ່ງປະກອບມີ 5 ກຸ່ມບ້ານ, 34 ບ້ານ. ສໍາລັບປີ 2017 ກໍຄືຮອບວຽນທີ 14 ຂອງ (ທລຍ) ໄດ້ໃຫ້ທຶນສະໜັບສະໜູນເຂົ້າໃນວຽກງານກໍ່ສ້າງພື້ນຖານໂຄງລ່າງເມືອງດັ່ງກ່າວ ຕົກເປັນ ມູນຄ່າທັງໝົດ 1,423,402,987 ກີບ ໃນນັ້ນ ທຶນ ທລຍ ສະໝັບສະໝູນ ແລະ ຊຸມຊົນປະກອບສ່ວນທາງດ້ານແຮງງານ ແລະ ວັດຖຸທ້ອງຖິ່ນ ຄິດເປັນມູນຄ່າ 91,206,000 ກີບ ເຊິ່ງກິດຈະກໍາຕ່າງໆທີ່ ທລຍ ໃຫ້ການສະໜັບສະໜູນປະກອບມີ 6 ໂຄງການຍ່ອຍ:
Ø ກໍ່ສ້າງໂຮງຮຽນປະຖົມ 2 ຫ້ອງ ແລະ ມີຫ້ອງນໍ້າ ກຸ່ມ ເມືອງເປີ້, ບ້ານ ວັງແຟນ ໃນການກໍ່ສ້າງມີຄວາມຄືບໝ້າໄດ້ 95% ຂອງໝ້າວຽກການກໍ່ສ້າງທັງໝົດ.
Ø ກໍ່ສ້າງໂຮງຮຽນນອະນຸບານ 2 ຫ້ອງ ແລະ ມີຫ້ອງນໍ້າ ກຸ່ມ ເມືອງເກົ້າ, ບ້ານວັງຄວ້າງ ໃນການກໍ່ສ້າງມີຄວາມຄືບໝ້າໄດ້ 70% ຂອງໝ້າວຽກການກໍ່ສ້າງທັງໝົດ.
Ø ກໍ່ສ້າງຝາຍນ້ຳລົ້ນ ຄວາມຍາວ 14 ແມັດ ກູ່ມ ຊ່ອນໃຕ້, ບ້ານ ມັ້ນ ຄາດຄະເນ ໃນການ ກໍ່ສ້າງ ໃນ ເດືອນ 11/2017 ນີ້.
Ø ກໍ່ສ້າງໂຮງຮຽນນອະນຸບານ 2 ຫ້ອງ ກຸ່ມ ຊ່ອນເໜືອ, ບ້ານທາດ ໃນການກໍ່ສ້າງມີຄວາມຄືບໝ້າໄດ້ 100% ຂອງໝ້າວຽກການກໍ່ສ້າງທັງໝົດ.
Ø ສັອມແປງລະບົບນ້ຳລິນ ກຸ່ມ ຊ່ອນເໜືອ, ບ້ານນາໜົມ ໃນການກໍ່ສ້າງມີຄວາມຄືບໝ້າໄດ້ 95% ຂອງໝ້າວຽກການກໍ່ສ້າງທັງໝົດ.
Ø ກໍ່ສ້າງໂຮງຮຽນປະຖົມ2 ຫ້ອງ ແລະ ມີຫ້ອງນໍ້າ ກູ່ມ ບວມຝາດ, ບ້ານບວມຝາດ ໃນການກໍ່ສ້າງມີຄວາມຄືບໝ້າໄດ້ 100% ຂອງໝ້າວຽກການກໍ່ສ້າງທັງໝົດ.
ໂຄງການຍ່ອຍທັງໝົດເຫລົ່ານັ້ນ ແມ່ນຊຸມຊົນເປັນຜູ້ ຄັດເລືອກ ມາຈາກບ້ານ, ກຸ່ມບ້ານ ເພື່ອພັດທະນາບ້ານຂອງເຂົາເຈົ້າໃຫ້ຫລຸດພົນອອກຈາກຄວາມທຸກຍາກເທືອລະກ້າວ.
ຜ່ານການຈັດຕັ້ງປະຕິບັດຕາມແຜນ ປີ2017 ໃນໄລຍະໜຶ່ງ ເຫັນວ່າການກໍ່ສ້າງໂຄງການຕ່າງໆມີຄວາມຄືບໜ້າ ແລະ ສໍາເລັດແລ້ວຈໍານວນໜຶ່ງ ແລະ ຄາດວ່າໃນການກໍ່ສ້າງເຫລົ່ານັ້ນຈະໃຫ້ແລ້ວຕາມແຜນການທີ່ວາງໄວ້ ພາຍໃນເດືອນ ທັນວາ ປີ 2017 ແລະ ມອບໃຫ້ຊຸມຊົນເປັນຜູ້ປົກປັກຮັກສາ ແລະ ຄຸ້ມຄອງນໍາໃຊ້ຢ່າງມີປະສິດຕິຜົນ.
