Lao
Englishທລຍ ຝຶກອົບຮົມວຽກງານຈັດຊື້-ຈັດຈ້າງ ແລະ ບໍລິຫານການເງິນໃຫ້
ທີມງານຂັ້ນກຸ່ມບ້ານ ແລະ ຂັ້ນບ້ານ
ໂດຍ: ຕົ່ງເຊັ້ງວື່
ວັນທີ່ 14-15/2/2014 ໂຄງການຫຼຸດຜ່ອນຄວາມທຸກຍາກ (ທລຍ)ໄດ້ຝຶກອົບຮົມວຽກງານຈັດຊື້-ຈັດຈ້າງໃຫ້ແກ່ທີ່ມງານຈັດຊື້-ຈັດຈ້າງຂັ້ນບ້ານ, ບ້ານທີ່ໄດ້ຮັບໂຄງຍ່ອຍໃນຮອບວຽນທີ່ 11 ສົກປີ 2013-2014 ທີ່ສະໂມສອນເມືອງໜອງແຮດ ໂດຍການເປັນຄູຝຶກຂອງທ່ານ ຄໍາພອນ ສີສົມບູນ, ຜູ້ປະ ສານງານ ທລຍ ແຂວງຊຽງຂວາງ ພ້ອມດ້ວຍຄະນະທີມງານ ທລຍ ເມືອງ ແລະ ການເຂົ້າຮ່ວມຝຶກອົບຮົມຂອງ ຜູ້ປະສານງານກຸ່ມບ້ານ, ທີມງານຈັດຊື້-ຈັດຈ້າງ ຂັ້ນບ້ານ, ບ້ານທີ່ໄດ້ຮັບການຊ່ວຍເຫຼືອໃນປີ 2014 ນີ້ ,ທັງໝົດ 50 ຄົນ, ຍີງ 12 ຄົນ.
ຈຸດປະສົງຈັດກອງປະຊຸມຝຶກອົບຮົມຄັ້ງນີ້ກໍ່ເພື່ອເສີມສ້າງຄວາມເຂັ້ມແຂງໃຫ້ແກ່ທີມງານຂັ້ນບ້ານກະກຽມຈັດຕັ້ງປະຕິບັດໂຄງການກໍ່ສ້າງຂອງບ້ານໃນບໍ່ດົນນີ້ ເພາະສະນັ້ນການຝຶກອົບຮົມໄດ້ເໜັ້ນໜັກການທົດລອງເຮັດຕົວຈິງກ່ຽວກັບວິທີປະກອບເອກະສານ ແລະ ຈັດຫາບໍລິສັດເຂົ້າມາກໍ່ສ້າງໂຄງ ການບ້ານ, ວິທີເຊັນສັນຍາກັບຜູ້ຮັບເໝົາ, ການຄຸ້ມຄອງສັນຍາ, ການເປີດບັນຊີການເງິນຢູ່ຂັ້ນບ້ານ, ການໂອນເງິນໂຄງການຍ່ອຍໃຫ້ຜູ້ຮັບເໝົາ, ການສະຫຼຸບລາຍຈ່າຍຕ່າງໆ.
ຜ່ານການຝຶກອົບຮົມຄັ້ງນີ້ ເຫັນໄດ້ວ່າທີມງານຂັ້ນບ້ານ ແລະ ຂັ້ນກຸ່ມບ້ານ ມີຄວາມສາມາດດໍາເນີນວຽກງານຈັດຊື້-ຈັດຈ້າງ ລວມທັງວຽກບໍລິຫານ-ການເງິນດ້ວຍຕົວຂອງເຂົາເຈົ້າເອງ ໂດຍສົມກັບຄໍາເວົ້າຂອງພັກທີ່ວ່າ: “ມາຈາກຄວາມຕ້ອງການຂອງປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນ“.
