ທລຍ ແຂວງສະຫວັນນະເຂດສໍາເລັດການກໍ່ສ້າງໂຄງການຍ່ອຍ ຮອບວຽນ ທີ 15 ແລ້ວ ຫຼາຍກວ່າ 50 %

ທລຍ ແຂວງສະຫວັນນະເຂດສໍາເລັດການກໍ່ສ້າງໂຄງການຍ່ອຍ ຮອບວຽນ ທີ 15 ແລ້ວ ຫຼາຍກວ່າ 50 %

ໂດຍ: ສິນນະຄອນ ອິນທິລາດ

       ໃນຮອບວຽນ ທີ 15 ສົກປີ 2017-18  ທລຍ ແຂວງ ສະຫວັນນະເຂດ ໄດ້ຈັດຕັ້ງປະຕິບັດໂຄງການຍ່ອຍທັງໝົດ 46 ໂຄງການ ທີ່ໃນ 5 ເມືອງເປົ້າໝາຍ ໄດ້ຮັບຮອງຈາກກອງປະຊຸມປະສານງານການວາງແຜນຂັ້ນເມືອງໃນໄລຍະຜ່ານມາ ເຊິ່ງຈະນໍາໃຊ້ ທຶນທັງໝົດ  15,7 ຕື້ກວ່າກີບ  ໃນນັ້ນ ທຶນ ທລຍ ສະໜັບສະໜູນ 15 ຕື້ກວ່າກີບ  ແລະ ຊຸມຊົນປະກອບສ່ວນທາງດ້ານແຮງງານ ແລະ ວັດຖຸທີ່ຫາໄດ້ໃນທ້ອງຖິ່ນ 667 ກວ່າລ້ານກີບ.     ໂຄງການເຫລົ່ານັ້ນ ໄດ້ກວາມເອົາ 5 ຂະແໜງການຫຼັກຄື :

1.     ຂະແໜງ  ກະສິກໍາ ແລະ ປ່າໄມ້  ມີຈໍານວນ 3ໂຄງການຍ່ອຍ   ນໍາໃຊ້ງົບປະມານ 483 ລ້ານກວ່າກີບ,   ທລຍ ສະໜັບສະໜູນ 459 ລ້ານກວ່າກີບ,  ຊຸມຊົນປະກອບສ່ວນ  23 ລ້ານກວ່າກີບ

2.    ຂະແໜງ  ໂຍທາທິການ ແລະ ຂົນສົ່ງ ມີຈໍານວນ 14ໂຄງການ  ນໍາໃຊ້ງົບປະມານ 5,3 ຕື້ກວ່າກີບ,  ທລຍ ສະໜັບສະໜູນ 5,1 ຕື້ກວ່າກີບ,  ຊຸມຊົນປະກອບສ່ວນ  158 ລ້ານກວ່າກີບ

3.    ຂະແໜງ  ສາທາລະນະສຸກ  ມີຈໍານວນ 9 ໂຄງການ  ນໍາໃຊ້ງົບປະມານ 3,1 ຕື້ກວ່າກີບ,  ທລຍ ສະໜັບສະໜູນ 2,9 ຕື້ກວ່າກີບ,  ຊຸມຊົນປະກອບສ່ວນ  173 ລ້ານກວ່າກີບ

4.    ຂະແໜງ  ສຶກສາທິການ ແລະ ກິລາ  ມີຈໍານວນ 18 ໂຄງການ    ນໍາໃຊ້ງົບປະມານ 6 ຕື້ກວ່າກີບ,    ທລຍ ສະໜັບສະໜູນ 5,7 ຕື້ກວ່າກີບ,  ຊຸມຊົນປະກອບສ່ວນ  300 ລ້ານກວ່າກີບ

5.    ຂະແໜງ  ພະລັງງານ ແລະ ບໍ່ແຮ່  ມີຈໍານວນ 2ໂຄງການ  ນໍາໃຊ້ງົບປະມານ  722 ລ້ານກວ່າກີບ,  ທລຍ ສະໜັບສະໜູນ 712 ລ້ານກວ່າກີບ,  ຊຸມຊົນປະກອບສ່ວນ  10,000,000 ກວ່າກີບ.  ການຈັດຕັ້ງມາຮອດປະຈຸບັນນີ້ ໃນແຕ່ລະເມືອງ ສາມາດກໍ່ສ້າງໄດ້ສໍາເລັດຫຼາຍກວ່າ 50% ແລ້ວ ແລະ ມີ 26 ໂຄງການຍ່ອຍທີ່ ໄດ້ກໍ່ສ້າງສໍາເລັດ 100% ແລະໄດ້ຮັບການກວດກາຈາກຄະນະກໍາມະການທີ່ຮັບຜິດຊອບ ພ້ອມທັງໄດ້ມອບໃຫ້ຊຸມຊົນນໍາໃຊ້ໄດ້ແລ້ວຄື: ເມືອງນອງສໍາເລັດ ແລະ ກວດກາ 100% ແລ້ວ ມີ 5 ໂຄງການຍ່ອຍ ໃນໂຄງການກໍ່ສ້າງທັງໝົດ 9ໂຄງການ,  ເມືອງ ເຊໂປນ ສໍາເລັດ ແລະ ກວດກາ 100% ແລ້ວ ມີ 9ໂຄງການຍ່ອຍ ໃນໂຄງການກໍ່ສ້າງທັງໝົດ 13 ໂຄງການ, ເມືອງ ພີນ ສໍາເລັດ ແລະກວດກາ 100% ແລ້ວ ມີ 3 ໂຄງການຍ່ອຍ ໃນໂຄງການກໍ່ສ້າງທັງໝົດ 7 ໂຄງການ, ເມືອງ ອາດສະພອນ ສໍາເລັດ ແລະ ກວດກາ 100% ແລ້ວ ມີ 5ໂຄງການຍ່ອຍ ໃນໂຄງການກໍ່ສ້າງທັງໝົດ 9ໂຄງການ ແລະ ເມືອງ ທ່າປາງທອງ ສໍາເລັດແລະກວດກາ 100% ແລ້ວ ມີ 3ໂຄງການຍ່ອຍ ໃນໂຄງການກໍ່ສ້າງທັງໝົດ 8ໂຄງການ, ນອກນັ້ນ ການກໍ່ສ້າງໃນແຕ່ລະເມືອງ ແມ່ນ ສໍາເລັດໄປແລ້ວຫຼາຍວ່າ 70% ໃນແຕ່ໂຄງການຍ່ອຍ ແລະ ຄາດວ່າຈະໃຫ້ສໍາເລັດທັນກັບລະດູການ ແລະ ແຜນການທີ່ໄດ້ວາງໄວ້  ເຊິ່ງໃນການກໍ່ສ້າງແຕ່ລະໂຄງການນັ້ນກໍໄດ້ຮັບການຮ່ວມໄມ້ຮ່ວມມື ຈາກຊຸມຊົນໃນແຕ່ລະບ້ານທີ່ໄດ້ຮັບໂຄງການຍ່ອຍເປັນຢ່າງດີ.