ບ້ານໂຮມພັນດີເດັ່ນເຂົ້າໃນການກໍ່ສ້າງຂົວນ້ຳລົ້ນ [1]
ບ້ານໂຮມພັນດີເດັ່ນເຂົ້າໃນການກໍ່ສ້າງຂົວນ້ຳລົ້ນ
ໂດຍ:ເສີດນິລັນ ພຸດທະປັນຍາ
ບ້ານໂຮມພັນເປັນບ້ານໜື່ງທີ່ຂື້ນກັບກຸ່ມ ສົບເລົ້າ ຊືງຢູ່ຫ່າງຈາກເທດສະບານເມືອງ ຫົວເມືອງ ປະມານ 70 ກມ, ປະກອບມີ119ຄອບຄົວ,ມີພົນລະເມືອງທັງໝົດ 547 ຄົນ,ຍິງ 263 ຄົນ, ປະຊາຊົນບ້ານດັ່ງກ່າວ ມີອາຊີບທຳມາຫາກິນທາງດ້ານການເຮັດນາ,ປູກຝັງແລະລ້ຽງສັດ.ໃນໄລຍະຜ່ານມາ ບ້ານດັ່ງກ່າວແມ່ນພົບຄວາມຫຍຸ້ງຍາກຫຼາຍທີ່ສຸດໃນການໄປທຳການຜະລິດແລະລ້ຽງສັດຢູ່ພາກນ້ຳເບື້ອງນັ້ນ. ແຕ່ລະປີຊາວບ້ານຕ້ອງໄດ້ພາກັນຕັດໄມ້ມາເຮັດຂົວແລະ ສ້ອມແປງຕະຫຼອດເຮັດໃຫ້ມີຄວາມຫຍຸ້ງຍາກເສຍເວລາທຳມາຫາກີນ.ສະນັ້ນເມືອຕົກມາຮອດສົກປີ (2013-2014)ບ້ານດັ່ງກ່າວຈີງໄດ້ຮັບການຊ່ວຍເຫຼືອເຂົ້າໃນການກໍ່ສ້າງຂົວນ້ຳລົ້ນຈາກ ທລຍ ຕາມການຮຽກຮ້ອງຂອງຊຸມຊົນທີ່ໄດ້ຈັດເຂົ້າໃນແຜນພັດທະນາຂັ້ນກຸ່ມບ້ານ. ໂຄງການດັ່ງກ່າວໄດ້ເລີ່ມລົງມືກໍ່ສ້າງໃນຕົ້ນເດືອນ ເມສາ ປີ 2014 ການກໍ່ສ້າງຂົວທີ່ມີຄວາມຍາວ 35 ແມັດ ນັ້ນໃຊ້ເວລາພຽງແຕ່ເດືອນກ່ວາເທົ້ານັ້ນກໍສໍາເລັດ. ເນື່ອງຈາກວ່າຊຸມຊົນໄດ້ເປັນເຈົ້າການປະກອບສ່ວນທາງດ້ານແຮງງານ,ວັດສະດຸທ້ອງຖິ່ນທີ່ຈຳເປັນ,ເຂົ້າໃນການກໍ່ສ້າງ,ແບ່ງປັນກັນຕິດຕາມແລະສະໜອງແຮງງານຕາມຄວາມຕອງການຂອງຜູ້ຮັບເໝົາ. ຜ່ານການກໍ່ສ້າງໄລຍະເດືອນກ່ວາຜ່ານມາແມ່ນບໍມີຄວາມຫຍຸ້ງຍາກຍອ້ນຊາວບ້ານທຸກຄົນໄດ້ເປັນເຈົ້າໂຄງການຕາມຄວາມຕ້ອງການທີ່ຢາກໄດ້ຂົວຂ້າມນ້ຳ.ໂດຍຄິດໄລ່ມູນຄ່າການປະກອບສວ່ນຂອງຊຸມຊົນທັງໝົດຈຳນວນ: 8.818.000 ກີບ. ທຶນ ທລຍ ໃຫ້ການຊ່ວຍເຫຼືອ: 259.901.688 ກີບ. ເຊິ່ງໄດ້ມີການກວດ 100% ໃນທ້າຍເດືອນມີຖຸນາ 2014 ຜ່ານມານີ້ ແລະ ໄດ້ມອບໃຫ້ຊຸມຊົນເປັນຜູ້ຊົມໃຊ້ໃຫ້ທັນກັບລະດູການຜະລິດ ແລະ ເກັບກ່ຽວຂອງຊາວບ້ານ. ນອກຈາກບ້ານໂຮມພັນທີ່ໄດ້ຊົມໃຊ້ໂດຍກົງແລ້ວຍັງມີຊາວບ້ານອ້ອມຂ້າງຈຳນວນໜື່ງທີ່ຢູ່ບ້ານໂຮມທອງກໍ່ໄດ້ຊົມໃຊ້ນຳກັນ. ພາຍຫຼັງທີ່ໄດ້ຮັບການຝຶກອົບຮົມຈາກຫ້ອງການທີ່ກ່ຽວຂ້ອງ ແລະ ຫ້ອງການ ທລຍ ເມືອງ.ທາງອຳນາດການປົກຄອງບ້ານກໍ່ໄດ້ມີແຜນການປົກປັກຮັກສາ ແລະ ນຳໃຊ້ໂຄງການຍ່ອຍດັ່ງກ່າວ.ເພື່ອໃຫ້ໂຄງການຍ່ອຍໃຊ້ໄດ້ຍາວນານ,ເພາະໂຄງການຍ່ອຍດັ່ງກ່າວນັ້ນແມ່ນໄດ້ໄປແກ້ໄຂບັນຫາທີ່ຫຍຸ້ງຍາກຂອງຊາວບ້ານຢ່າງແທ້ຈີງ.
.docx [2]
