Lao
EnglishSubmitted by webadmin on
ປະກາດຮັບສະໝັກພະນັກງານ
ກອງທຶນຫລຸດຜ່ອນຄວາມທຸກຍາກ ເປັນໂຄງການໜຶ່ງທີ່ຂຶ້ນກັບລັດຖະບານກໍ່ຄືຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ, ຫ້ອງວ່າການລັດຖະບານ ໄດ້ຮັບທຶນຊ່ວຍເຫລືອຈາກທະນາຄານໂລກ, ອົງການຮ່ວມມືດ້ານການພັດທະນາປະເທດສະວິດເຊີແລນ,ອົງການຊ່ວຍເຫລືອອົດສ໌ຕາລີ ແລະ ກອງທຶນພັດທະນາສັງຄົມຂອງຍີ່ປຸ່ນ ເພື່ອສະໜອງພື້ນຖານໂຄງລ່າງຂະໜາດນ້ອຍ ແລະ ສ້າງຄວາມເຂັ້ມແຂງໃຫ້ປະຊາຊົນຢູ່ກຸ່ມບ້ານທີ່ທຸກຍາກລວມທັງກິດຈະກໍາປັບປຸງຊີວິດການເປັນຢູ່ ເພື່ອຄໍ້າປະກັນດ້ານໂພຊະນາການ (ຄປພ). ທລຍ ໄດ້ຮັບການສືບຕໍ່ໂຄງການໄລຍະທີສອງ(2012-2016)ຊຶ່ງປະຈຸບັນມີຄວມຕ້ອງການ ພະນັກງານ ບໍລິຫານ-ການເງິນ 01ຕຳແໜ່ງ ປະຈໍາ ຢູ່ຫ້ອງການ ທລຍ ແຂວງຊຽງຂວາງລາຍລະອຽດດັ່ງລຸ່ມນີ້:
ໜ້າທີ່ ແລະ ຄວາມຮັບຜິດຊອບຫລັກ:
· ບັນທຶກ ແລະ ປ້ອນຂໍ້ມູນທາງດ້ານການບັນຊີລົງຕາຕະລາງເອັກເຊວ ຫລື ລະບົບຖານຂໍ້ມູນ ທີ່ກໍານົດໄວ້ຢ່າງຖືກຕ້ອງ ແລະ ຊັດເຈນ. ບັນທຶກທຸກໆລາຍຮັບ ແລະ ລາຍຈ່າຍ ທີ່ເກີດຂຶ້ນຢູ່ພາຍໃນ ແຂວງ ໃນແຕ່ລະມື້.
· ກວດກາທຸກໆເອກະສານທາງການເງິນ ແລະ ບັນຊີ ແລະ ບັນທຶກການໃຊ້ຈ່າຍ ເພື່ອຮັບປະກັນວ່າ ຂໍໍ້ມູນບັນທຶກ ແລະ ການເບີກຈ່າຍຖືກຕ້ອງກັບງົບປະມານ, ລະບຽບຫລັກການ ແລະ ການອະນຸມັດຂອງ ທລຍ.
· ກວດກາການເບີກຈ່າຍງົບປະມານທຸກໆໂຄງການຍ່ອຍ (ການເຮັດເບີກຈ່າຍຢູ່ຂັ້ນກຸ່ມບ້ານ) ແລະ ການກວດກາການເບີກຈ່າຍງົບປະມານບໍລິຫານຕ່າງໆ ເປັນຕົ້ນແມ່ນເງິນລ່ວງໜ້າໄປເຮັດວຽກຢູ່ພາກສະໜາມຂອງພະນັກງານຂັ້ນແຂວງ ແລະ ເມືອງ
· ກວດກາຄຳຮ້ອງ ແລະ ທຸກໆປະເພດໃບສະເໜີຂໍເບີກຈ່າຍ ຢ່າງລະອຽດຮອບຄອບ, ແລະຈະຕ້ອງມີການເຊັນຢັ້ງຢືນຄວາມຖືກຕ້ອງ ກ່ອນສະເໜີຂໍອະນຸມັດຈາກຜູ້ປະສານງານແຂວງ.
· ກວດກາ ແລະ ສົມທຽບບັນຊີ ແລະ ລົງບັນທຶກ ຕາມຄວາມຈຳເປັນ ແລະ ຮຽກຮ້ອງຕ້ອງການ
· ຮັບປະກັນການປິດບັນຊີ ໃນແຕ່ລະເດືອນ, ສົມທຽບບັນຊີ, ກະກຽມໃບລາຍງານສົມທຽບບັນຊີ ທັງໝົດ ແລະ ສົ່ງບົດລາຍງານຫາຂັ້ນສູນກາງ ຕາມກໍານົດເວລາ
· ຮັບຜິດຊອບຊີ້ນຳພະນັກງານ ໃນການຮັກສາບັນຊີຊັບສົມບັດທຸກປະເພດຂອງກອງທຶນ ທີ່ມີຢູ່ໃນແຂວງ, ສົ່ງລາຍງານຊັບສົມບັດຄົງທີ່ ຫາຂັ້ນສູນກາງຢ່າງເປັນປົກກະຕິ
· ສ້າງ ແລະ ບໍລິຫານ ຖານຂໍ້ມູນດ້ານການເງິນຢູ່ຂັ້ນແຂວງ ພ້ອມທັງຮັບຜິດຊອບກ່ຽວກັບ ການເກັບຮັກສາເອກະສານອ້າງອີງທາງດ້ານການເງິນທຸກປະເພດຢູ່ພາຍໃນແຂວງ.
· ຕິດຕາມກວດກາການໄຫລວຽນຂອງເງິນຢູ່ຂັ້ນແຂວງ ພ້ອມທັງປະກອບເອກະສານໃນການລາຍງານ ແລະ ຂໍຄ່ຽນເງິນເຂົ້າບັນຊີໃຫ້ສູນກາງພິຈາລະນາ
· ກວດກາ-ຕິດຕາມການເບີກຈ່າຍເງິນຢູ່ຂັ້ນເມືອງ ແລະ ກຸ່ມບ້ານ ຢ່າງເປັນປົກກະຕິ
· ຝຶກອົບຮົມວຽກງານການເງິນໃຫ້ແກ່ພະນັກງານການເງິນຂັ້ນຂັ້ນເມືອງ ແລະ ກຸ່ມບ້ານ
ຄຸນວຸດທີ ແລະ ປະສົບການ ສໍາລັບຜູ້ສະໝັກ:
· ຮຽນຈົບດ້ານການເງິນ ຫລື ບັນຊີ, ບໍລິຫານທຸລະກິດ ແລະ ຂະແໜງການອື່ນໆ ທີ່ກ່ຽວຂ້ອງ
· ມີປະສົບການເຮັດວຽກດ້ານບັນຊີ 2 ປີ ຫລື ຫລາຍກວ່າ
· ມີຄວາມຮູ້ກ່ຽວກັບລະບົບບັນຊີສາກົນ
· ມີປະສົບການໃນການເປັນຄູຝຶກດ້ານບັນຊີ ໃຫ້ພະນັກງານໂຄງການ ແລະ ຊຸມຊົນມາກ່ອນ
· ມີປະສົບການ ຫລື ຄວາມຮູ້ກ່ຽວກັບການບໍລິຫານໂຄງການຂອງລັດຖະບານ ແລະ ສາກົນ
· ມີຄວາມຮູ້ ແລະ ທັກສະໃນການນຳໃຊ້ຄອມພິວເຕີ ໂດຍສະເພາະ MS-. Word and MS Excel ເພື່ອຄິດໄລ່ ແລະ ເຮັດບົດລາຍງານການເງິນ
· ມີຄວາມຮູ້ທາງດ້ານພາສາອັງກິດຂັ້ນພື້ນຖານ
ເງື່ອນໄຂອື່ນໆ ທີ່ຕ້ອງການ:
· ມີຄວາມຊື່ສັດ, ສາມາດປະຕິບັດວຽກຢູ່ໃນລະບຽບຫລັກການ ຂອງໂຄງການວາງອອກ (ມີຫລັກໝັ້ນດ້ານສິລະທຳ, ເປັນກາງ ແລະ ໂປ່ງໃສ, ມີການວິເຄາະ, ພິຈາລະນາ ແລະ ແກ້ໄຂບັນຫາໄດ້ດີ, ກ້າຕັດສິນໃຈ,...)
· ສາມາດເຮັດວຽກແບບອິດສະຫລະ, ສາມາດເຮັດວຽກພາຍໃຕ້ຄວາມກົດດັນ ຕາມຄວາມຮຽກຮ້ອງຕ້ອງການອັນຮີບດ່ວນ ຂອງໂຄງການ ແລະ ພາຍໃຕ້ການຄວບຄຸມ ແລະ ຊີ້ນຳຈາກຂັ້ນເທິງໜ້ອຍທີ່ສຸດ.
· ສາມາດເດີນທາງໄປເຮັດວຽກໃນເຂດຫ່າງໄກສອກຫລີກ
· ສາມາດສື່ສານພາສາຊົນເຜົ່າໃດໜຶ່ງທີ່ນໍາໃຊ້ກັນຢູ່ໃນທ້ອງຖິ່ນ ແຂວງສາລະວັນ ຈະໄດ້ຮັບການພິຈາລະນາເປັນພິເສດ.
· ຜູ້ສະໝັກທີ່ເປັນເພດຍິງ ຫລື ຊົນເຜົ່າຈະໄດ້ຮັບການພິຈາລະນາເປັນພິເສດ
ເອກະສານຍື່ນສະໝັກປະກອບມີ:
ໃບຄຳຮ້ອງສະໝັກງານຂຽນດ້ວຍຕົນເອງເຊິ່ງລະບຸຊື່ຕຳແໜ່ງ,ບ່ອນປະຈຳການ ແລະຄວາມຮູ້ຄວາມສາມາດ ປະສົບການທີ່ສອດຄ່ອງຄວາມຕ້ອງການ, ຊີວະປະຫວັດຂອງຜູ້ສະໝັກ ທີ່ລະບຸກ່ຽວກັບປະສົບການຜ່ານມາຢ່າງລະອຽດ ພ້ອມດ້ວຍລາຍລະອຽດຂອງຜູ້ຢັ້ງຢືນ 03 ທ່ານ (ຊື່, ຕໍາແໜ່ງ, ໂທລະສັບ), ສຳເນົາໃບໃບຜ່ານງານ, ໃບແຈ້ງໂທດ, ບັດປະຈຳຕົວ ຫລືປຶ້ມສຳມະໂນຄົວ, ພ້ອມດ້ວຍຮູບຖ່າຍບໍ່ກາຍ 3 ເດືອນ ຂະໜາດ 3X4 01 ໃບໄປທີ່: ຫ້ອງການ ທລຍ ຊຽງຂວາງ ຊຶ່ງຕັ້ງຢູ່ຫ້ອງການພັດທະນາຊົນນະບົດແຂວງຊຽງຂວາງ, ເບີໂທລະສັບ/ແຟັກ: 061 213209. Email: bsynapheng@yahoo.com. sisomboun@yahoo.com ຫລື ສົ່ງມາຫ້ອງການ ທລຍ ສູນກາງ ທີ່ນະຄອນຫລວງວຽງຈັນ ຕັ້ງຢູ່ຫ້ອງວ່າການລັດຖະບານ, ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ ຂັ້ນສູນກາງ, ໂທລະສັບ 021 261 479-80, ແຟັກ 021 261481.Email: piengngeune@prflaos.org or Khemphone@prflaos.org.
ກະລຸນາຮັບຊາບວ່າ ກອງທຶນຈະທຳການຕິດຕໍ່ຫາຜູ້ທີ່ເໝາະສົມ ແລະຖືກຕ້ອງຕາມເງິື່ອນໄຂທີ່ຄົບຖ້ວນເທົ່ານັ້ນ ເພື່ອດຳເນີນຂະບວນການປະເມີນ. (ເອກະສານສະໝັກທຸກຢ່າງຈະບໍ່ອະນຸຍາດໃຫ້ຖອນຄືນ).
