Lao
EnglishSubmitted by webmaster on
ກອງທຶນຫລຸດຜ່ອນຄວາມທຸກຍາກແຂວງສະຫວັນນະເຂດ
(ປະກາດຮັບສະໝັກພະນັກງານ)
ກອງທຶນຫລຸດຜ່ອນຄວາມທຸກຍາກ ເປັນໂຄງການໜຶ່ງທີ່ຂຶ້ນກັບລັດຖະບານ ກໍ່ຄືຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ, ຫ້ອງວ່າການລັດຖະບານ ໄດ້ຮັບທຶນຊ່ວຍເຫລືອຈາກທະນາຄານໂລກ, ອົງການຮ່ວມມືດ້ານການພັດທະນາປະເທດສະວິດເຊີແລນ,ອົງການອົດສ໌ຕາລີ ແລະ ກອງທຶນພັດທະນາສັງຄົມຂອງຍີ່ປຸ່ນ ເພື່ອສະໜອງພຶ້ນຖານໂຄງລ່າງຂະໜາດນ້ອຍ ແລະ ສ້າງຄວາມເຂັ້ມແຂງໃຫ້ປະຊາຊົນຢູ່ກຸ່ມບ້ານທີ່ທຸກຍາກ. ປະຈຸບັນ ທລຍ ໄດ້ຮັບການສືບຕໍ່ໂຄງການໄລຍະທີສອງ(2012-2016)ແລະ ມີຄວມຕ້ອງການ ພະນັກງານພັດທະນາຊຸມຊົນ 01ຕໍາແໜ່ງປະຈຳ ເມືອງ ນອງ ແຂວງ ສະຫວັນນະເຂດ ລາຍລະອຽດດັ່ງລຸ່ມນີ້:
- ຮຽນຈົບ ຫລືມີປະສົບການດ້ານການພັດທະນາຊຸມຊົນ ຫລື ຊົນນະບົດ
- ມີຄວາມຮູ້ກ່ຽວກັບວິທີການວາງແຜນແບບມີສ່ວນຮ່ວມ ແລະ ເຄື່ອງມືໃນການປະເມີນການມີສ່ວນຮ່ວມຢູ່ຊົນນະບົດ
- ມີປະສົບການໃນການຈັດກອງປະຊຸມ ແລະ ຝຶກອົບຮົມ
- ມີຄວາມຮູ້ ແລະ ປະສົບການຈຳນວນໜຶ່ງທາງດ້ານການນຳໃຊ້ ຄອມພິວເຕີ ເຊັ່ນ: MS Word, Excel, Powerpoint etc
- ຖ້າສາມາດເວົ້າພາສາຊົນເຜົ່າຂອງທ້ອງຖິ່ນ ຈະໄດ້ຮັບການພິຈາລະນາເປັນພິເສດ.
- ຖ້າເປັນຍິງ ໂດຍສະເພາະແມ່ນຊົນເຜົ່າ ແລະ ເຄີຍເຮັດວຽກກ່ຽວກັບການພັດທະນາຊົນນະບົດມາກ່ອນ ຈະໄດ້ຮັບການພິຈາລະນາເປັນກໍລະນີພິເສດ.
ເອກະສານຍື່ນສະໝັກປະກອບມີ:
ໃບຄຳຮ້ອງສະໝັກງານ ເຊິ່ງລະບຸຕຳແໜ່ງ,ບ່ອນປະຈຳການ ແລະ ປະສົບການຜ່ານມາທີ່ແທດເໝາະກັບຕຳແໜ່ງທີ່ສະໝັກ ພ້ອມດ້ວຍລາຍລະອຽດຂອງຜູ້ຢັ້ງຢືນ 03 ທ່ານ, ຊີວະປະຫວັດ, ສຳເນົາໃບຂັບຂີ່, ໃບຜ່ານງານ, ໃບແຈ້ງໂທດ, ສຳເນົາບັດປະຈຳຕົວ ຫລື ປຶ້ມສຳມະໂນຄົວ, ພ້ອມດ້ວຍ ຮູບຖ່າຍບໍ່ກາຍ 3 ເດືອນ ຂະໜາດ 3X4 01 ໃບ ໄປທີ່: ຫ້ອງການ ທລຍ ສະຫວັນນະເຂດ ບ້ານ ນາແກ ເມືອງ ໄກສອນພົມວິຫານ ແຂວງ ສະຫວັນນະເຂດ (ກ້ອງຂົວມິດຕະພາບ ລາວໄທ) ເບີໂທລະສັບ: 041 252578.
ກະລຸນາຮັບຊາບວ່າ ກອງທຶນຈະທຳການຕິດຕໍ່ຫາຜູ້ທີ່ເໝາະສົມ ແລະຖືກຕ້ອງຕາມເງິື່ອນໄຂທີ່ຄົບຖ້ວນເທົ່ານັ້ນ ເພື່ອດຳເນີນຂະບວນການປະເມີນ. (ເອກະສານສະໝັກທຸກຢ່າງຈະບໍ່ອະນຸຍາດໃຫ້ຖອນຄືນ)
