Lao
Englishຫລາຍກຸ່ມບ້ານໄດ້ບົດຮຽນຫລາຍຢ່າງຈາກ ບ້ານຕອກສະໝິງ
ໂດຍ : ພັດທະນາຊຸມຊົນຄົນເຊກອງ
ໃນວັນທີ 31 ກໍລະກົດ ຜ່ານມາ ບ້ານຕອກສະໝິງ ໄດ້ຈັດກອງປະຊຸມສະຫລຸບການຢຽ້ມຢາມ ແລະ ແລກປຽ່ນບົດຮຽນການຈັດຕັ້ງປະຕິບັດການກໍ່ສ້າງໂຄງການຍອ່ຍຮອບວຽນທີ 10 ແລະ 11 ຢູ່ບ້ານຕອກສະໝິງ ໂດຍການເປັນປະທານຂອງ ທ່ານ ບຸນເນຍຄະນະປະຈຳພັກເມືອງລະມາມ ໂດຍການເຂົ້າຮ່ວມຂອງຂະແໜງການທີ່ກ່ຽວຂ້ອງ, ຫ້ອງການພັດທະນາຊົນນະບົດຂັ້ນເມືອງ, ທລຍ ແຂວງ, ທລຍເມືອງ ພ້ອມດ້ວຍ ຕົວແທນຂອງກຸ່ມບ້ານຕອກອົງແກ້ວ,ຈະວີກ,ປາກປູນ, ໂພນແລະປະຊາຊົນຄົນໃນບ້ານຕອກສະໝິງ ເຂົ້າຮວ່ມທັງໝົດ 64 ຄົນ, ຍິງ 34 ຄົນ.
ສໍາລັບການທັດສະນະສຶກສາ ແລະ ແລກປ່ຽນບົດຮຽນລະຫວ່າງກຸ່ມບ້ານໃນເທື່ອນີ້ ໄດ້ໄປຢຽ້ມຢາມ ການນໍາໃຊ້ກະດານຂ່າວຂອງກຸຸ່ມບ້ານ ຖອດຖອນບົດຮຽນການ ເປີດຕູ້ຮັບຄຳຄິດຄໍາເຫັນ, ຢຽ້ມຢາມການຊົມໃຊ້ໂຄງການກໍ່ສ້າງສຸກສາບ້ານຕອກສະໝິງ, ໂຄງການກໍ່ສ້າງຫໍພັກຄູບ້ານໂພນ ຮັບຟັງການລາຍງານການຈັດຕັ້ງປະຕິ ບັດຂັ້ນຕອນ ແລະ ວິທີການດໍາເນີນກິດຈະກໍາຕ່າງໆ ນັບແຕ່ການວາງແຜນຈົນສຳເລັດການກໍ່ສ້າງ ແຜນການຄຸ້ມຄອງປົກປັກຮັກສາສ້ອມແປງໃນຕໍ່ໜ້າ,ວິທີການລະ ດົມເງິນກອງທຶນບ້ານໃຫ້ ກັບບ້ານທີມາຢຽ້ມຢາມເພື່ອໃຫ້ໄປຈັດຕັ້ງປະຕິບັດຢູ່ບ້ານຂອງຕົນໃຫ້ເກີດດອກອອກຜົນ ມີແບບມີແຜນໃນການຕິດຕາມ ແລະ ແບ່ງໜ້າວຽກ ງານຕ່າງໆ ເປັນເຈົ້າການໃນການຄຸ້ມຄອງ ແລະ ປົກປັກຮັກສາໂຄງການຍ່ອຍ. ນອກຈາກນັ້ນ ໄດ້ໄປຢຽ້ມຢາມໂຄງການກໍ່ສ້າງລະບົບນ້ຳລິນ ເຊິ່ງທາງຕົວແທນຂອງແຕ່ລະກຸ່ມບ້ານໄດ້ມີການຖອດຖອນບົດຮຽນທີ່ທາງບ້ານຂອງຕົນເຮັດໄດ້ດີ ໂດຍສະເພາະແມ່ນ ກວດກາການກໍ່ສ້າງໃຫ້ໄດ້ຕາມແບບ, ການຮັກສາອະນາໄມສາມສະ ອາດ,ຮູບແບບການວາງແຜນຕິດຕາມການກໍ່ສ້າງ ແລະສ້າງແຜນການຄຸ້ມຄອງປົກປັກຮັກສາຂອງບ້ານ ແລະ ການເຄື່ອນໄຫວວຽກກົນໄກສະແດງຄຳຄິດຄຳເຫັນ ໃນໄລຍະຜ່ານມາ ທັງນີ້ກໍເພື່ອເປັນການຜັນຂະຫຍາຍບົດຮຽນທີ່ໄດ້ຖອດຖອນໃນເທື່ອນີ້ ໃຫ້ປະກົດຜົນເປັນຈິງ ເພື່ອປະກອບສ່ວນເຂົ້າໃນພາລະກິດການກໍ່ສ້າງໂຄງ ການຢູ່ບ້ານຂອງຕົນພ້ອມທັງຄຸ້ມຄອງປົກປັກຮັກສາ ແລະ ສ້ອມແປງໂຄງການເພື່ອສ້າງສາພັດທະນາແຕ່ລະບ້ານທີ່ໄດ້ຮັບໂຄງການ ດ້ານໂຄງລ່າງທີ່ທາງ ກອງທຶນຫຼຸດ ຜ່ອນຄວາມທຸກຍາກ(ທລຍ) ໄດ້ໃຫ້ການຊ່ວຍ ໃຫ້ມີຄວາມຍືນຍົງ ແລະ ຖືກນໍາໃຊ້ໄດ້ຢ່າງຍາວນານ ແລະ ກຸ້ມຄ່າ.
