Lao
Englishກອງປະຊຸມປະສານງານການວາງ ຂັ້ນເມືອງໃນຮອບວຽນ ທີ 12 ນີ້ ທລຍ ແຂວງ ສະຫວັນນະເຂດ ໄດ້ເນັ້ນການສ້າງຄວາມເຂັ້ມ ແຂງໃຫ້ແກ່ທິມງານຂັ້ນກຸ່ມບ້ານຫຼາຍຂື້ນ
ໂດຍ: ສິນນະຄອນ ອິນທິລາດ
ໃນທ້າຍເດືອນ ກັນຍາ 2014 ຜ່ານມາແລ້ວນີ້ ແຂວງສະຫວັນນະເຂດ ໄດ້ມີການຈັດກອງປະຊຸມ ປະສານງານການວາງແຜນຂັ້ນເມືອງ ຢູ່ໃນແຕ່ລະເມືອງ ເປົ້້າໝາຍຂອງ ທລຍ , ເຊິ່ງເປັນກອງປະຊຸມ ທີ່ສໍາຄັນ ແລະ ໄດ້ຈັດຂຶ້ນທຸກໆປີ ຫຼັງຈາກ ສຳເລັດກອງປະຊຸມວາງແຜນ ຫຼື ທົບທວນແຜນພັດທະນາຂັ້ນບ້ານ ແລະ ຂັ້ນກຸ່ມ ຕາມຮູບແບບ ກອງປະຊຸມວາງແຜນແບບມີສ່ວນຮ່ວມ ແຕ່ລຸມຂືຶ້ນເທີງ ພາຍໃຕ້ນະໂຍບາຍ ຂອງກອງທຶນຫຼຸດຜ່ອນຄວາມທຸກຍາກ(ທລຍ) ໂດຍສອດຄ່ອງກັບຄໍາເວົ້າຂອງພັກ-ລັດທີ່ວ່າ “ມາຈາກປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນ”. ກອງປະຊຸມດັ່ງກ່າວ ເປັນກອງປະຊຸມຂັ້ນສຸດທ້າຍ ສຳລັບການວາງແຜນ ກ່ອນທີ່ຈະໄດ້ເລີ່ມຂະບວນການສໍາຫຼວດອອກແບບ,ຈັດຊື້-ຈັດຈ້າງ ກ້າວໄປເຖິງ ຂະບວນການຈັດຕັ້ງປະຕິບັດໂຄງການຍ່ອຍ, ເປັນກອງປະຊຸມ ທ່ີ່ໄດ້ເຊື້ອເຊີນ ເອົາບັນດາແຂກຈາກຫຼາຍພາກສ່ວນທີ່ກ່ຽວຂ້ອງ ຈາກແຂວງ ແລະເມືອງ ຕະຫຼອດຮອດ ກຸ່ມບ້ານເຊັ່ນ: ທ່ານ ເຈົ້າເມືອງ ຫຼື ຮອງເຈົ້າເມືອງ ເປັນປະ ທານ, ຮອງຫົວໜ້າ ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ ເຂົ້າມາຮ່ວມເປັນຄະນະປະທານ ບັນດາທ່ານ ຈາກ 4 ພະແນກການ: ໂຍທາທິການ ແລະ ຂົນສົ່ງ , ສາທາລະນະສຸກ ,ສືກສາທິການ ແລະ ກິລາ, ກະສິກໍາ ແລະ ປ່າໄມ້...ທັງແຂວງແລະເມືອງ , ອົງການຈັດຕັ້ງມະຫາຊົນຕ່າງໆ, ອົງການທີ່ໃຫ້ການຊ່ວຍ ເຫຼືອທາງດ້ານການພັດທະນາ ຈາກສາກົນ, ຜູ້ຊີ້ນໍາ ແລະ ຜູ້ປະສານງານກຸ່ມບ້ານ ເພື່ອມາຮ່ວມປືກສາຫາລື ກັນ ຜ່ານການນໍາສະເໜີແຜນພັດທະນາ ຂອງຕົວແທນ ຈາກແຕ່ລະກຸ່ມບ້ານພາຍໃນແຕ່ລະເມືອງ. ສໍາລັບຮອບວຽນທີ 12 ທລຍ ແຂວງສະຫວັນນະເຂດ ໄດ້ມອບຄວາມຮັບຜິດຊອບໃຫ້ແກ່ທິມງານກຸ່ມບ້ານ ເພື່ອເປັນ ການສ້າງຄວາມເຂັ້ມແຂງ ແລະ ທົດສອບໃຫ້ເຂົາເຈົ້າໄດ້ເຮັດໃນ ສິ່ງທີ່ເຂົາເຈົ້າສາມາດເຮັດໄດ້ ເປັນຕົ້ນ ມອບໃຫ້ຜູ້ປະສານງານ ຫຼື ຕົວແທນ ໃຫ້ເປັນພິທີກອນກອງ ປະຊຸມ ແລະ ຕົວແທນທີ່ເປັນແມ່ຍິງ ເປັນຊົນເຜົ່າມານໍາສະເໜີ ແຜນພັດທະນາກຸ່ມບ້ານຂອງພວກເຂົາເຈົ້າ ທັ້ງນີ້ ກໍເພື່ອເປັນການຍົກສູງບົດບາດຍິງ-ຊາຍ ເສີມສ້າງຄວາມເຂັ້ມແຂງໃຫ້ແມ່ຍິງມີສິດມີສຽງໃນການອອກຄໍາຄິດຄໍາເຫັນ ແລະ ກ້າສະແດງອອກ ເຊິ່ງເຫັນໄດ້ວ່າ ໃນແຕ່ລະເມືອງ ຜູ້ເຂົ້າຮ່ວມໄດ້ໃຫ້ຄວາມສົນໃຈ ພ້ອມທັງ ມີຄຳຍ້ອງຍໍ ຊົມເຊີຍ ໂດຍສະເພາະຈາກປະທານກອງປະຊຸມໄດ້ມີຄຳເຫັນວ່າ ”ຂໍຊົມເຊີຍເປັນພິເສດທີ່ ທລຍ ໄດ້ມີສ່ວນ ໃນການສ້າງຄວາມເຂັ້ມແຂງໃຫ້ຊຸມຊົນໄດ້ ມີຄວາມກ້າຫານ ບໍ່ທັນເຄີຍເຫັນພາກສ່ວນໃດເຮັດຈັກເທ່ືອ”
