ທລຍ ເສີມສ້າງຄວາມເຂັ້ມແຂງໃຫ້ແກ່ທິມງານຈັດຕັ້ງປະຕິບັດຂັ້ນບ້ານ ເພື່ອຮອງຮັບເອົາໂຄງການຮອບວຽນ ທີ່ 13 (ສົກປີ 2015-2016)

Posting Date:

11 Mar 2016

ທລຍ ເສີມສ້າງຄວາມເຂັ້ມແຂງໃຫ້ແກ່ທິມງານຈັດຕັ້ງປະຕິບັດຂັ້ນບ້ານ

 ເພື່ອຮອງຮັບເອົາໂຄງການຮອບວຽນ ທີ່ 13 (ສົກປີ 2015-2016)

ໂດຍ: ຄຳພັນ ພັນທະວົງ

ທຸກໆຮອບວຽນກອ່ນຈະຈັດຕັ້ງປະຕິບັດໂຄງການ ທລຍ ຈະຕ້ອງໄດ້ຈັດກອງປະຊຸມ ຫຼື ຊຸດອົບ ຮົມ ເພື່ອຍົກລະດັບຄວາມອາດສາມາດຂອງທິມງານຈັດຕັ້ງປະຕິບັດຂັ້ນບ້ານທີ່ໄດ້ຮັບໂຄງການ ທັງນີ້ກໍເພື່ອເສີມສ້າງຄວາມເຂັ້ມແຂງ ແລະ ແລກປ່ຽນບົດຮຽນ ລວມທັງປຶກສາຫາລື ຊອກຫາວິທີແກ້ໄຂ ບັນຫາທີ່ພົບໃນປີຜ່ານມາ ຫຼື ນໍາເອົາທິດທາງນະໂຍບາຍທີ່ມີຄວາມຈໍາເປັນຕ້ອງໄດ້ປັບປຸງ ຫຼື ປ່ຽນແປງໃໝ່ ໄປອົບຮົມ ແລະ ທໍາຄວາມເຂົ້າໃຈເຖິງວິທີຈັດຕັ້ງປະຕິບັດໃນຮອບວຽນຕໍ່ໄປໃຫ້ມີຜົນສໍາເລັດຕາມຄາດໝາຍ ແລະ ຮັບປະກັນໃຫ້ບັນຫາທີ່ພົບຜ່ານມາໄດ້ຮັບການແກ້ໄຂ. ເຊັ່ນດຽວກັນ, ເພື່ອກຽມຄວາມພອ້ມໃສ່ການຈັດຕັ້ງປະຕິບັດໂຄງການໃນຮອບວຽນ 13 ສົກປີ (2015-2016) ໃນວັນທີ 2-4 ມີນາ 2016 ນີ້ ກອງທຶນຫລຸດຜ່ອນຄວາມທຸກຍາກ (ທລຍ) ເມືອງຈອມເພັດໄດ້ຈັດກອງປະຊຸມຝຶກອົບຮົມ ວຽກງານຈັດຊື້-ຈັດຈ້າງ ແລະ ບໍລິຫານການເງິນຂຶ້ນ ທີສະໂມສອນໃຫຍ່ຂອງເມືອງຈອມເພັດ ແຂວງຫລວງພະບາງ ໂດຍການປະທານ ຂອງ ທ່ານ ສົມຈິດ ສິງລໍຄຳ, ຮອງເລຂາພັກເມືອງ ຮອງເຈົ້າເມືອງ ແລະ ປະທານຊີ້ນໍາວຽກງານກອງທຶນຫລຸດຜ່ອນຄວາມທຸກຍາກປະຈຳເມືອງຈອມເພັດ ເຊິ່ງມີຜູ້ເຂົ້າຮ່ວມຈາກ ບັນດາທິມງານຈັດຕັ້ງປະຕິບັດຂັ້ນບ້ານຈາກ 9 ບ້ານທີ່ຢູ່ໃນ 4 ກຸ່ມບ້ານ ລວມທັງຕາງໜ້າຈາກຫ້ອງການກ່ຽວຂ້ອງຂັ້ນເມືອງ,ທລຍເມືອງ,ແຂວງ ລວມທັງໝົດ 49 ຄົນ,ຍິງ 17 ຄົນ ກໍ່ໄດ້ມີໜ້າເຂົ້າຮ່ວມຢ່າງພອ້ມພຽງ. ຖືໄດ້ວ່າ ກອງປະຊຸມຝຶກອົບຮົມດັ່ງກາວ ແມ່ນມີຄວາມໝາຍສໍາຄັນຫລາຍ ເພາະເປັນກອງປະຊຸມທີ່ໃຫ້ຄວາມຮູ້ດ້ານວຽກງານບໍລິຫານການເງິນໂຄງການຍ່ອຍ ແລະ ໄດ້ມີການກໍານົດພາລະບົດບາດຂອງທິມງານຈັດຕັ້ງປະຕິບັດຂັ້ນບ້ານແຕ່ລະພາກສ່ວນ. ໃນນັ້ນ, ວິທີການປະກອບເອກະສານໃນການຂໍເງິນໂຄງການຍ່ອຍໃນແຕ່ລະງວດ(ງວດ1,2ແລະ3) ລວມທັງ ຮູບແບບວິທີການໂອນເງິນໂຄງການຍ່ອຍໃຫ້ກັບບໍລິສັດ, ການເສຍອາກອນຂອງນາຍຊ່າງແລະວິຊາການຊຸມຊົນກໍໄດ້ນໍາມາບົນລະຍາຍເຜີຍແພ່ໃຫ້ແກ່ຜູ້ເຂົ້າຮ່ວມໄດ້ຮຽນຮູ້ເພີ່ມຕື່ມ. ນອກຈາກນັ້ນຍັງມີການເຮັດບົດຝຶກຫັດກ່ຽວກັບວຽກບໍລິຫານການເງິນພ້ອມທັງການນຳໃຊ້ແບບ ຟອມຕື່ມອີກ, ສຸດທ້າຍ ຍັງໄດ້ອະທິບາຍຂັ້ນຕອນການປະມູນໂຄງການຍ່ອຍ ຊຶ່ງເລີມແຕ່ຂັ້ນຕອນເລີ່ມຕົ້ນຈົນຮອດຂັ້ນຕອນສຳເລັດການປະມູນ, ລວມເຖິງການເຊັນສັນຍາລະຫ່ວາງບໍລິສັດກັບບ້ານ ແລະ ທລຍ,ການຄຸ້ມຄອງສັນຍາແລະການຂໍເບີກຈ່າຍເງິນແຕ່ລະງວດຕະຫລອດຮອດການເກັບມ້ຽນເອກະສານອື່ນໆເປັນຕົ້ນ.

ຕະຫລອດໄລຍະຂອງກອງປະຊຸມຝຶກອົບຮົມໃນ 3 ວັນເຕັມ ແມ່ນມີບັນຍາກາດຟົດຟື້ນ, ຜູ້ເຂົ້າຮ່ວມໃຫ້ຄວາມສົນໃຈຫລາຍ ຍ້ອນວ່າ ໃນກອງປະຊຸມໄດ້ມີການປຶກສາຫາລືແລກປ່ຽນບົດຮຽນ ແລະ ພອ້ມກັນຄົ້ນຄວ້າໄປພອ້ມໆກັນກັບ ການປະຕິບັດຕົວຈິງ ແລະບັນຫາຂໍ້ຫຍຸ້ງຍາກທີ່ພົບພໍ້ ໃນໄລຍະເວລາຈັດຕັ້ງປະຕິບັດວຽກງານຜ່ານມາ ດ້ວຍຄວາມເປັນເອກະພາບ ແລະ ທຸກຄົນມີສ່ວນຮ່ວມ ຊຶ່ງເຮັດໃຫ້ ຜູ້ເຂົ້າຮ່ວມມີຄວາມເຂົ້າໃຈຕໍ່ກັບຫົວຂໍ້ສໍາຄັນຕ່າງໆ ທີ່ນໍາມາແລກປ່ຽນຢ່າງເລິກເຊິ່ງ. ບົດຮຽນທີ່ຊຸມຊົນກໍ່ຄືທິມງານຈັດຕັ້ງປະຕິບັດຂັ້ນບ້ານໄດ້ຮັບຈາກກອງປະຊຸມຝຶກອົບຮົມໃນຄັ້ງນີ້ ເຂົາເຈົ້າຈະນໍາເອົາໄປຜັນຂະຫຍາຍເຂົ້າໃນວຽກງານຕົວຈິງຢູ່ຂັ້ນທ້ອງຖິ່ນ ເພື່ອເປັນການປັບປຸງວຽກງານດັ່ງກ່າວໃຫ້ສອດຄ່ອງກັບນະໂຍບາຍແລະມີທ່າກ້າວໃນຕໍ່ໜ້າ, ໃຫ້ປະກົດຜົນເປັນຈິງ , ເພາະວ່າ ທີມງານດັ່ງກ່າວແມ່ນໝາກຫົວໃຈສໍາຄັນຂອງຄວາມເປັນເຈົ້າການ ໃນການຈັດຕັ້ງປະຕິບັດໂຄງການຍ່ອຍ ໃຫ້ມີປະສິດທິພາບ ແລະ ປະສິດທິຜົນ.

$Description: C:\Users\Phan\AppData\Local\Microsoft\Windows\Temporary Internet Files\Content.Word\20160303_152754.jpg$ ທ່ານ ອ່ອນສີ ຫົວໜ້າທິມງານຈັດຕັ້ງປະຕິບັດບ້ານວັງສາ ກຸ່ມນໍ້າຮາງ ເມືອງຈອມເພັດ ໄດ້ກ່າວວ່າ: “ ຂ້າພະເຈົ້າ ຮູ້ສຶກພາກພູມໃຈຫລາຍທີ່ໄດ້ມີໂອກາດ ເຂົ້າຮ່ວມກອງປະຊຸມຝຶກອົບຮົມໃນຄັ້ງນີ້ ເພາະກອງປະຊຸມ ຄັ້ງນີ້ແມ່ນມີຄວາມໝາຍຄວາມສໍາຄັນຫລາຍ ຍ້ອນມີ ການນໍາສະເໜີບົດຮຽນທັງທິດສະດີແລະ ປະຕິບັດຕົວຈິງ ແລະ ແລກປ່ຽນກັບບົດຮຽນຕົວຈິງໄປພອ້ມໆກັນ, ເພື່ອເຮັດໃຫ້ຜູ້ເຂົ້າຮ່ວມມີຄວາມເຂົ້າໃຈຢ່າງເລິກເຊີງ ສາມາດນໍາເອົາບົດຮຽນໄປຈັດຕັ້ງປະຕິບັດຕົວຈີງໃນເວລາໄດ້ຮັບໂຄງການຍ່ອຍ ຈາກ ທລຍ ຂ້າພະເຈົ້າເຫັນວ່າມີຜົນປະໂຫຍດຫລາຍ “ ສໍາລັບ ກອງປະຊຸມ ໃນຄັ້ງນີ້ ຂ້າພະເຈົ້າບໍ່ພຽງແຕ່ໄດ້ຄວາມຮູ້ກ່ຽວກັບວຽກງານຈັດຊື້-ຈັດຈ້າງ ແລະ ບໍລິຫານການເງິນເທົ່ານັ້ນ, ແຕ່ຂ້າພະເຂົ້າຍັງຮັບຮູ້ເຖີງ ພາລະບົດບາດ ແລະ ໜ້າທີ່ຂອງຕົນກໍ່ຄືສະມາຊິກທິມງານແຕ່ລະຄົນອີກດ້ວຍ“. ດັ່ງນັ້ນ ຂ້າພະເຈົ້າຄິດວ່າ ພວກເຮົາມີຄວາມກຽມພອ້ມໃນການຈັດຕັ້ງປະຕິບັດ ແລະ ຮັບເອົາທຶນຊ່ວຍເຫຼືອຈາກ ທລຍ ໃນຮອບວຽນ 13 ນີ້.

Attachment:

ເມືອງຈອມເພັດສ້າງຄວາມເຂັ້ມແຂງໃຫ້ຊຸມຊົນບ້ານເປົ້າໝາຍ1.docx