Lao
Englishເມືອງໂພນໄຊ ແຂວງຫລວງພະບາງ ສໍາເລັດຊຸດຝຶກອົບຮົມວຽກງານຈັດຊື້-ຈັດຈ້າງ
ແລະ ບໍລິຫານການເງິນໃຫ້ທິມງານຈັດຕັ້ງປະຕິບັດຂັ້ນບ້ານ
ໂດຍ: ຄໍາພັນ ພັນທະວົງ
ເພື່ອຄວາມໂປ່ງໃສ ແລະ ສາມາດກວດສອບໄດ້. ການຈັດຊືຈັດຈ້າງ ຈຶ່ງເປັນອີກໜ້າວຽກໜຶ່ງທີ່ຊຸມຊົນຈະຕ້ອງໄດ້ມີສ່ວນຮ່ວມກັບໂຄງການຂອງ ທລຍ ກອ່ນຈະລົງມືກໍ່ສ້າງ ຫຼື ສ້ອມແປງໂຄງການຍ່ອຍ ທີ່ ທລຍ ຕົກລົງໃຫ້ການສະນັບສະໜູນຊ່ວຍເຫຼືອ ປະຊາຊົນບັນດາເຜົ່າເພື່ອແກ້ໄຂັຄວາມທຸກຍາກໃຫ້ແກ່ປະຊາຊົນ ໃນເຂດຊົນນະບົດ.
ຄັ້ງວັນທີ 5-7 ມີນາ 2015 ຜ່ານມານີ້, ທລຍ ຈັດກອງປະຊຸມຝຶກອົບຮົມວຽກງານຈັດຊື້-ຈັດຈ້າງແລະບໍລິຫານການເງິນໃຫ້ແກ່ທິມງານຈັດຕັ້ງປະຕິບັດຂັ້ນບ້ານທີ່ໄດ້ຮັບໂຄງການໃນຮອບວຽນ 12 ສົກປີ 2014-2015 ທີ່ຫ້ອງປະຊຸມຂອງເມືອງໂພນໄຊ ແຂວງຫລວງພະບາງ. ໃນກອງປະຊຸມດັ່ງດ່າວມີຜູ້ເຂົ້າຮ່ວມ ທີ່ມາຈາກ 10 ບ້ານ ຂອງ 7 ກຸ່ມບ້ານ ໃນທົ່ວເມືອງ ໂດຍໃຫ້ກຽດເປັນປະທານຂອງ ທ່ານ ຫຸມ ແພງ ແກ້ວວິຈິດ ຮອງເລຂາພັກເມືອງ ຮອງເຈົ້າເມືອງໆໂພນໄຊ ທັງເປັນຜູ້ຊີ້ນຳວຽກງານ ກອງທຶນຫລຸດຜ່ອນຄວາມທຸກຍາກຂັ້ນເມືອງ ຊຶ່ງຜູ້ເຂົ້າຮ່ວມທັງໝົດມີ 57 ຄົນ, ໃນນັ້ນ ມີແມ່ຍິງຈໍານວນ 14 ຄົນ.
ໃນກອງປະຊຸມ ທ່ານ ປະທານໄດ້ຕີລາຄາສູງຕໍ່ຜົນສຳ ເລັດຂອງວຽກງານກອງທຶນຫລຸດຜ່ອນຄວາມທຸກຍາກໃນ 2 ຮອບວຽນຜ່ານມາ ເພາະມັນ ສະທ້ອນໃຫ້ເຫັນເຖີງຄວາມໝາຍຄວາມສຳຄັນ ຂອງບັ້ນຝຶກອົບຮົມ ຈັດຊື້-ຈັດຈ້າງ ແລະບໍລິຫານການເງິນ ໃນວຽກງານທລຍ ໂດຍສະເພາະແມ່ນ ການສ້າງຄວາມເຂັ້ມແຂງໃຫ້ຊຸມຊົນແລະອຳນາດການປົກຄອງທ້ອງຖິ່ນ
ຄູຝຶກໃສຊຸດອົບຮົມດັ່ງກ່າວ ແມ່ນມາຈາກ ທລຍ ເມືອງໂພນໄຊ ຊຶ່ງໃນນັ້ນ ມີແມ່ຍິງ 1 ທ່ານ ທີ່ເປັນຜູ້ຮັບຜິດຊອບວຍກງານບໍລິຫານການເງິນເມືອງ. ບົດຮຽນທີ່ໄດ້ນໍາມາອົບຮົມໃຫ້ແກ່ທິມງານຈັດຕັ້ງປະຕິບັດຂັ້ນບ້ານຄັ້ງນີ້ ປະກອບດ້ວຍ: ວຽກງານບໍລິຫານການເງິນ, ພາລະບົດບາດຂອງທິມງານ, ການນຳໃຊ້ແບບຟອມຕ່າງໆເຂົ້າໃນການຄຸ້ມຄອງບໍລິຫານເງິນຊ່ວຍເຫຼືອຊາວບ້ານ, ການປະກອບເອກະສານ ສໍາລັບ ຖອນ, ເບີກຈ່າຍແລະ ສະຫລຸບງົບປະມານ. ນັກສຳມະນາກອນມີບົດຝຶກຫັດເຮັດຕົວຈີງ ເພື່ອໃຫ້ເຂົ້າ ໃຈເລິງກເຊິ່ງຂື້ນກວ່າເກົ່າ ແລະ ສາມາດນໍາເອົາໄປຈັດຕັ້ງປະຕິບັດຢູ່ຂັ້ນບ້ານໄດ້ຢ່າງຖືກຕ້ອງ.
ສ່ວນວຽກງານຈັດຊື້ຈັດຈ້າງ ກໍໍ່ໄດ້ມີຂັ້ນຕອນ, ລະ ບຽບຫັກການ ແລະ ວິທີຄຸ້ມຄອງບໍລິຫານ ລວມທັງການປະ ສານງານ, ການເຮັດສັນຍາຊຸມຊົນ ແລະ ຜູ້ຮັບເໝົາກໍ່ສ້າງ, ຮຽນຮູ້ບົນດາເອກກະສານທີ່ຈະຕ້ອງໄດ້ປະກອບເຂົ້າໃນການປະມູນ ໂດຍຊຸມຊົນເອງ ກໍແມ່ນໄດ້ລົງເລິກຄົ້ນຄ້ວາຢ່າງລະອຽດຖີ່ຖ້ວນໃນແຕ່ລະຂັ້ນຕອນ ໂດຍອີງໃສ່ລະບຽບການປະ ມູນ ຂອງ ທລຍ ກໍຄື ຜູ້ໃຫ້ທຶນ ແລະ ລັດຖະບານລາວເຮົາໄດ້ກໍານົດໄວ້ ເປັນຕົ້ນແມ່ນເໜັ້ນໜັກໃສ່ຄວາມເປັນເຈັ້າການຂອງຊຸມຊົນເອງ ເຊັ່ນ: ລົງເລິກເຖີງຫັລກການສຳຄັນຂອງການຈັດຊື້-ຈັດຈ້າງ, ປະເພດຂອງ ການຈັດຊື້ຈັດຈ້າງ, ໃຜສາມາດເປັນຜູ້ຮັບເໝົາແລະ ສະໜອງສິນຄ້າ, ວິທີແລະຂັ້ນຕອນການຈັດຊື້ຈັດຈ້າງ, ການກະ ກຽມເອກະສານປະມູນ, ການຍື່ນຊອງປະມູນສະເໜີລາຄາ, ການເປີດຊອງປະມູນ, ການປະເມີນຜົນປະມູນ ແລະ ການເຊັນສັນແລະອື່ນໆທີ່ຕິດພັນກັບວຽກງານຈັດຊື້-ຈັດຈ້າງ. ນອກຈາກນັ້ນ ນັກສໍາມະນາກອນຍັງໄດ້ທໍາຄວາມເຂົ້າໃຈຕໍ່ກັບການວ່າຈ້າງນາຍຊ່າງຊຸມຊົນ ແລະ ວິຊາການຊຸມຊົນອີກດ້ວຍ.
ກອງປະຊຸມນີ້ໄດ້ມີຜົນເລັດຢ່າງຈົບງາມ ແລະ ຜູ້ເຂົ້າຮ່ວມມີຄວາມຮູ້ຄວາມສາມາດດ້ານການຄຸ້ມຄອງບໍຫານ ແລະ ການຈັດຊື້ຈັດຈ້າງ ເປັນທີ່ໜ້າພໍໃຈ ເພາະຜ່ານການຄົ້ນຄົ້ວປຶກສາຫາລືແລກປ່ຽນບົດຮຽນ ຢ່າງກົງໄປກົງມາ ໄດ້ເຮັດໃຫ້ທິມງານຂັ້ນບ້ານ ຜູ້ທີ່ເຂົ້າຮ່ວມສາມາດເຂົ້າໃຈເນື້ອໃນ ແລະ ຂັ້ນຕອນດີພໍສົມ ຄວນ ຊຶ່ງສະແດງອອກໃນການເຮັດບົດຝຶກຫັດໃນແຕ່ລະດ້ານ.
ທ່ານ ສົມດີ ຫົວໜ້າທິມງານຈັດຕັ້ງປະຕິບັດບ້ານຫ້ວຍຮາ ກຸ່ມບ້ານຫ້ວຍຂິງ ເມືອງໂພນໄຊ ໄດ້ໃຫ້ທັດຊະນະວ່າ: ຫລາຍປີທີ່ຜ່ານມາ ມີບາງໂຄງການທີ່ມາໃຫ້ການຊ່ວຍເຫືລອບໍ່ໄດ້ສ້າງຄວາມເຂັ້ມແຂງໃຫ້ແກ່ຊຸມຊົນເທົ່າທີ່ຄວນຄືກັນກັບ ທລຍ, ສ່ວນຫລາຍແມ່ນມີແຕ່ການປະກອບສ່ວນ ແຕ່ສໍາລັບ ທລຍ ແມ່ນໄດ້ຝຶກອົບຮົມຄັກແນ່, ມີການວາງແຜນຈັດຊື້ຈັດຈ້າງລ່ວງໜ້າ ແລະ ວາງກຳນົດວັນເວລາ ຊຶ່ງເຮັດໃຫ້ພວກເຮົາໄດ້ຮຽນຮູ້ແລະເຂົ້າໃຈວຽກງານຈັດຊື້-ຈັດຈ້າງແລະ ບໍລິຫານການເງິນ ຂອງ ທລຍ ໄດ້ດີຂື້ນ, ຂ້າພະເຈົ້າຄິດວ່າ ມັນເປັນບົດຮຽນ ທີ່ຂ້າພະເຈົ້າຈະສາມາດນຳເອົາໄປຜັນຂະຫຍາຍ ແລະ ນຳໃຊ້ຢູ່ໃນບ້ານຂອງຂ້າພະເຈົ້າໄດ້ເປັນຢ່າງດີ, ເພາະທຸກສິ່ງທຸກຢ່າງ ທລຍ ແມ່ນມອບຄວາມຮັບຜິດຊອບໃຫ້ປະຊາຊົນຊາວບ້ານເປັນຢູ້ຈັດຕັ້ງປະຕິບັດເອງໝົດ, ຖ້າພວກເຮົາບໍ່ເຂົ້າໃຈກໍຍັງມີພະນັກງານ ທລຍ ແຕ່ລະຂັ້ນຢູ່ຄຽງຂ້າງເປັນທີ່ປຶກສາ ແລະ ໃຫ້ການຊ່ວຍເຫຼືອແກ່ປະຊາຊົນທຸກເວລາ, ຂ້າພະເຈົ້າມີຄວາມໝັ້ນໃຈວ່າຈະເຮັດສໍາເລັດໜ້າທີ່ ແລະ ຈະນໍາພາຊາວບ້ານໃຫ້ຫລຸດຜ່ອນຄວາມທຸກຍາກໄດ້ເທື່ອລະກ້າວ. ເພາະຂ້າພະເຈົ້າເຫັນວ່າໂຄງການ ທລຍ ເປັນໂຄງການທີ່ສ້າງໃຫ້ຊຸມຊົນເປັນເຈົ້າຕົນເອງໃນການພັດທະນາບ້ານຂອງຕົນ.
