Lao
Englishຜົນສຳເລັດ ທລຍ ໄລຍະທີ 2 ບັນລຸຜົນສໍາເລັດ ຕາມຄາດໝາຍທີ່ວາງໄວ້
ໂດຍ: ຄອນທິບ ພວງເພັດ
ທລຍ ໃນໄລຍະ II ໄດ້ເລີ້ມຈັດຕັ້ງປະຕິບັດໂຄງການມາແຕ່ປີ 2012 ເຊິ່ງມາຮອດປະຈຸບັນແມ່ນຄົບ 3 ປີ ພໍດີດັ່ງນັ້ນ, ມາຮອດປະຈຸບັນທລຍ ໄດ້ເຄື່ອນໄຫວວຽກງານຢູ່ທັງໝົດ 1,951 ບ້ານ, 278 ກຸ່ມບ້ານ, 44 ເມືອງທຸກຍາກ ໃນ 10 ແຂວງເປົ້້າໝາຍ. ຕະຫລອດໄລຍະຈັດຕັ້ງປະຕິບັດວຽກ 3 ປີທລຍສາມາດຕອບສະໜອງຄວາມຮຽກຮ້ອງຕ້ອງການຂອງພໍ່ແມ່ປະຊາຊົນຜູ້ທຸກຍາກໄດ້ດີພໍສົມຄວນໂດຍສະເພາະແມ່ນສາມາດສະໜອງໂຄງການຍ່ອຍໄດ້ທັງໝົດ988 ໂຄງການຍ່ອຍ
ເຊິ່ງປະກອບດ້ວຍຂະແໜງ ສາທາລະນະສຸກ, ສຶກສາທິການ, ນ້ຳສະອາດ, ຄົມມະນາຄົມແລະກະສິກຳ ໄດ້ຮັບຜົນໂຫຍດໂດຍກົງປະມານ 474.660 ຄົນ ໃນນັ້ນເປັນເພດຍິງເຖິງເຄິ່ງໜຶ່ງ ແລະເປັນຊົນເຜົ່າປະມານ 68% ຂອງຈໍານວນຜູ້ທີ່ໄດ້ຮັບຜົນປະໂຫຍດທັງໝົດ. ສ່ວນການຈັດຕັ້ງປະຕິບັດດັ່ງກ່າວແມ່ນໄດ້ໃຫ້ຄວາມເອົາໃຈໃສ່ສົ່ງເສີມຊຸມຊົນໃຫ້ມີການຈັດສັນສະຖານ ທີ່ ເພື່ອອະນຸລັກ ແລະ ປັກປັກຮັກສາສິ່ງໄປ ຄຽງຄູ່ກັນ ແລະ ສິ່ງທີ່ສໍາຄັນກວ່າໝູ່ໝົດແມ່ນປະຊາຊົນຜູ້ທີ່ໄດ້ຮັບຜົນປະໂຫຍດ ມີຄວາມເພິ່ງພໍໃຈຫຼາຍຕໍ່ກັບໂຄງການຍ່ອຍຂອງທລຍ ເຊິ່ງສູງເຖິງ 80% ພ້ອມດຽວກັນນີ້, ກໍ່ແມ່ນຍ້ອນວ່າ ບັນດາໂຄງການຍ່ອຍທີ່ສໍາເລັດການກໍ່ສ້າງ ແລະ ຖືກນໍາໃຊ້ມາແລ້ວ ເປັນເວລາ 2 ປີນັ້ນ ຍັງຢູ່ໃນສະພາບດີ ຊົມໃຊ້ໄດ້ເປັນປົກກະຕິ ສາມາດແກ້ໄຂຊີວິດການເປັນຢູ່ກໍຄືການອຳນວຍຄວາມສະດວກຕໍ່ຊີວິດ ປະຈໍາວັນຂອງປະຊາຊົນໄດ້ໃນລະດັບທີ່ແນ່ນອນ, ຜູ້ໃຫ້ທຶນຍັງມີຄວາມພໍໃຈກ່ຽວກັບຄວາມຄືບໜ້າໃນການຈັດຕັ້ງປະຕິ ບັດໂຄງການຍ່ອຍ ແລະ ສະແດງເຈດ ຈໍານົງເພື່ອສືບຕໍ່ໄລຍະຈັດຕັ້ງປະຕິບັດໂຄງການ ທລຍ 2 ໄປຕື່ມອີກ 1 ປີ ຈົນຮອດປີ 2016. ທິດທາງແຜນການສໍາລັບສົກປີ 2015-2016 ຫຼືຮອບວຽນ 13 ຂອງ ທລຍ ທີ່ສະເໜີໃຫ້ສະພາບໍລິຫານ ທລຍ ເພື່ອພິຈາລະນາ ແລະ ຮັບຮອງນັ້ນ ແມ່ນກ່ຽວກັບທຶນເພີ້ມສືບຕໍ່ຈັດຕັ້ງປະຕິບັດ 7 ແຂວງເກົ່າຄື: (ຫົວພັນ, ຫຼວງນໍ້າທາ, ຊຽງຂວາງ, ສະຫວັນນະເຂດ, ສາລະວັນ, ເຊກອງ ແລະ ອັດຕະປື), ເນື່ອງຈາກ ການຈັດຕັ້ງປະຕິບັດຕົວຈິງຂອງ ທລຍ 2 ແມ່ນຈະສິ້ນສຸດໃນເດືອນທັນວາ 2015. ສໍາລັບ 3 ແຂວງໃໝ່ຄື (ອຸ ດົມໄຊ, ຜົ້ງສາລີ ແລະ ຫລວງພະບາງ) ແມ່ນມີແຜນຈະສິ້ນສຸດໂຄງການໃນເດືອນທັນວາ 2016 ແຕ່ໃນສະພາບຄວາມເປັນຈິງແລ້ວປະຊາຊົນໃນບັນດາແຂວງ ແລະເມືອງເປົ້າໝາຍນີ້ ແມ່ນຍັງມີຄວາມຮຽກຕ້ອງການ.
ຜົນສຳເລັດຂອງການຈັດຕັ້ງປະຕິບັດວຽກງານ ທລຍ ໄລຍະທີ 2 ນີ້ຖືວ່າບັນລຸຄາດໝາຍສົມຄວນ ເປັນຕົ້ນແມ່ນ: (1) ຕອບສະໜອງຄາດໝາຍສູ້ຊົນຕໍ່ການພັດທະນາຂອງລັດຖະບານ ແລະ ນະໂຍບາຍຕ່າງໆທີ່ກ່ຽວຂ້ອງກັບການພັດທະນາຊົນນະບົດເຊັ່ນ: ນະໂຍບາຍ 4 ບຸກທະລຸຂອງລັດຖະບານເຊັ່ນ: (ດ້ານຈິນຕະນາການ; ການກໍ່ສ້າງບຸກຄະລາກອນ; ລະບອບລະບຽບການ ແລະ ການຫລຸດຜ່ອນຄວາມທຸກຍາກ) ແລະ ສາມາດສ້າງພື້ນຖານໃຫ້ແກ່ບ້ານທີ່ໄດ້ຮັບໂຄງການ ເຊິ່ງສ້າງບາດກ້າວທີ່ດີ ໃຫ້ແກ່ບ້ານທີ່ໄດ້ຮັບໂຄງການສືບຕໍ່ພັດທະນາດ້ານລາຍຮັບໄດ້ດ້ວຍການເຊື່ອມຕໍ່ກັບຕະລາດ ແລະ ເຂົ້າເຖິງຕົວເມືອງ ແລະ ຫລຸດຜອ່ນເວລາ ເພື່ອທີ່ຈະພັດທະນາໃຫ້ບ້ານຂອງເຂົາເຈົ້າຫລຸດພົ້ນອອກຈາກຄວາມທຸກຍາກເທື່ອລະກ້າວ ແລະ ກາຍເປັນບ້ານພັດທະນາ ຫຼື ອາດຈະກາຍເປັນຕົວເມືອງນ້ອຍໃນອະນາຄົດ. ເຊິງໝາຍຄວາມວ່າ ບັນລຸໄດ້ນະໂຍບາຍ ສາມສ້າງຂອງລັດຖະບານ.
ໃນນັ້ນ 1,951 ບ້ານແມ່ນມີແຜນລະອຽດສຳລັບການພັດທະນາບ້ານແບບຍືນຍົງ, ພ້ອມດຽວກັນນັ້ນລັດຖະບານ ແລະ ອົງການພັດທະນາອື່ນໆ ກໍໄດ້ໃຫ້ຄວາມເອົາໃຈໃສ່ ໃຫ້ຄວາມຮ່ວມມືປະສານງານ ເພື່ອໃຫ້ວຽກງານ ທລຍ ສາມາດບັນລຸຄາດໝາຍ ທີ່ກໍານົດໄວ້; (4) ສາມາດບັນລຸເປົ້າໝາຍໂຄງການ ທີ່ໄດ້ກໍານົດໄວ້ໃນເບື້ອງ ກ່ຽວກັບ ການປັບປຸງການເຂົ້າເຖິງ ແລະ ການນໍາໃຊ້ໂຄງລ່າງພື້ນຖານ ແລະ ການບໍລິການຕ່າງໆສໍາລັບຊຸມຊົນທີ່ທຸກຍາກ ທີ່ນອນຢູ່ໃນເປົ້າໝາຍຂອງໂຄງການ ໃນລັກສະນະແບບຍືນຍົງ ໂດຍຜ່ານຂະບວນການພັດທະນາຊຸມຊົນ ແລະ ທ້ອງຖິ່ນ.ນອກຈາກນັ້ນ ຍັງສາມາດປະຕິບັດໄດ້ບັນດາ
ຕົວຊີ້ວັດຜົນໄດ້ຮັບຂອງທລຍ 2 ໄດ້ເປັນຢ່າງດີ ເຊັ່ນ: ຕົວຊີ້ວັດການເຂົ້າຮ່ວມກອງປະຊຸມຂັ້ນບ້ານຂອງແມ່ຍິງ ຢ່າງຫນ້ອຍໃຫ້ໄດ້40% ສາມາດປະຕິບັດໄດ້ລື່ນຄາດໝາຍ ຍ້ອນວ່າ ສາມາດປະຕິບັດໄດ້ເຖິງ 52. ຜູ້ທຸກຍາກຂັນບ້ານຕ້ອງໄດ້ເຂົ້າຮ່ວມກອງປະຊຸມວາງແຜນຂັ້ນບ້ານ ຕ້ອງໃຫກວມເອົາ 60%. ແຕ່ການຈັດຕັ້ງປະຕິບັດຕົວຈີງແມ່ນໄດ້ 65% ອື່ນໆ ເປັນຕົ້ນ;(5) ປະ ຕິບັດຕາມຂໍ້ຕົກລົງ ທີ່ລະບຸໄວ້ໃນສັນຍາໂຄງການລະຫວ່າງລັດຖະບານ ແລະ ຜູ້ໃຫ້ທຶນ; ແລະ (6) ຕອບສະໜອງໄດ້ນະໂຍບາຍການພັດທະໃນປະຈຸບັນຂອງອົງການພັດທະນາອື່ນໆເປັນຕົ້ນໄດ້ເຂົ້າຮ່ວມກັບອົງ ການ ອື່ນໆໃນການພັດທະນາຊົນນະບົດ ແລະ ລຶບ ລ້າງຄວາມທຸກຍາກຂອງປະຊາຊົນ.ພິເສດການມາປະເມີນຜົນ-ກວດກາ ໂຄງການຂອງບັນດາຜູ້ໃຫ້ທຶນກໍໄດ້ຢັ້ງຢືນໃຫ້ເຫັນເຖິງຜົນສຳເລັດຂອງວຽກງານທລຍທີ່ອີງໃສ່ບັນດາຕົວຊີ້ວັດຕ່າງໆ ນອກຈາກນັ້ນ, ການໃຫ້ທິດຊີ້ນຳຢ່າງໄກ້ຊິດຂອງລັດຖະບານແຫ່ງສປປລາວບວກກັບຄວາມເອົາໃຈໃສ່ຂອງພະນັກງານທລຍ
ທຸກຂັ້ນແລະການມີສ່ວນຮ່ວມຂອງພໍ່ແມ່ປະຊາຊົນໃນກຸ່ມບ້ານແລະບ້ານເປົ້າໝາຍ ກໍມີຄວາມສໍາຄັນຫລາຍ, ເຊິ່ງບັນດາປັດໃຈເຫລົ່ານີ້ແມ່ນກໍ່ໃຫ້ເກີດການພິຈາລະນາສືບຕໍ່ວຽກງານທລຍທັງໝົດ 10 ແຂວງ ຈົນຮອດທ້າຍປີ 2016 ແລະຍັງມີແຜນພິຈາລະນາທລຍ 3 ອີກດ້ວຍ.
ພວກເຮົາສາມາດເວົ້າໄດ້ວ່າໂຄງການທັງໝົດທີ່ທລຍ ໄດ້ໃຫ້ການສະໜັບສະໜູນສາມາດຕອບສະໜອງໃຫ້ແກ່ການພັດ ທະນາເສດຖະກິດ-ສັງຄົມຢູ່ບັນດາກຸ່ມບ້ານເປົ້າໝາຍຂອງໂຄງການເພາະທຸກໂຄງການແມ່ນຖືກນຳສະເໜີແລະຄັດເລືອກຈາກຊຸມຊົນແລະກໍ່ເພື່ອສິດຜົນປະໂຫຍດຂອງຊຸມຊົນຢ່າງແທ້ຈິງ, ໂດຍສະເພາະແມ່ນສາມາດປັບປຸງພື້ນຖານໂຄງລ່າງໃຫ້ແກ່ບັນດາກຸ່ມບ້ານທີ່ຍັງ ບໍ່ມີພື້ນຖານໂຄງລ່າງທີ່ຈຳເປັນເພື່ອນໍາໃຊ້ເຂົ້າໃນການດໍາລົງຊີວິດປະຈໍາວັນຕໍ່ກັບການພັດທະນາກຸ່ມບ້ານຂອງເຂົາເຈົ້າ.
